Ministr pracy i sacyjalnaj abarony pryviała prykłady niekatorych ciažkich žyćciovych situacyj, jakija płanujecca ŭklučyć u adpaviedny pieralik, paviedamlaje BiełTA.
Viedamstva rychtuje rekamiendacyi pa pracy kamisij pa sadziejničańni zaniataści, u pryvatnaści i dla hramadzian, jakija apynulisia ŭ ciažkich žyćciovych situacyjach. Da ich možna adnieści dohlad chvorych svajakoŭ abo dziaciej, starejšych za siem hadoŭ, jakija časta chvarejuć. «Kali čałaviek u pošuku pracy, ale ŭzrovień jaho kvalifikacyi i vakansii ŭ rehijonie niesupastaŭlalnyja, to taksama niejki łah času budzie pradstaŭlacca», — udakładniła Iryna Kaścievič.
Pry padrychtoŭcy rekamiendacyj uličvajecca nazapašany kamisijami dośvied, adznačyła ministr. Čakajecca, što dadzienyja rekamiendacyi buduć hatovyja da 1 lipienia. Pieršy ž śpis hramadzian, jakija nie zaniatyja ŭ ekanomicy, budzie sfarmiravany da 1 śniežnia 2018 hoda.
