U «Novaj Hucie» mytniki spynili sprobu niezakonnaha pieramiaščeńnia praź miažu bolš za 560 maniet i kala 30 vyrabaŭ, jakija źjaŭlajucca kulturnaj kaštoŭnaściu, paviedamlaje Homielskaja mytnia.
53-hadovaja rasijanka abrała «zialony» kalidor, čym paćvierdziła adsutnaść u jaje tavaraŭ, jakija nieabchodna dekłaravać. Adnak pry praviadzieńni mytnaha kantrolu ŭ sałonie i bahažniku jaje lehkavoha aŭtamabila mytniki vyjavili staradaŭnija mietaličnyja vyraby, siarod jakich — maniety, žanočyja ŭpryhažeńni, nievialikija abrazy.
Vyznačana, što vyraby sa spłavu zołata i srebra, miedzi i žaleza, kaštoŭnaści adnosiacca da Čarniachoŭskaj kultury III-IV stahodździaŭ n.e., a maniety sa spłavu srebra adčakanieny ŭ Rasijskim carstvie ŭ XVI-XVIII stahodździach.
