U hetyja dni ŭ Maskvie prachodzić «Mižnarodny forum pa raźvićci parłamientaryzmu». Temy kruhłych stałoŭ, naprykład, «Rasija i Afrykanski sajuz», «Mižparłamienckaje ŭzajemadziejańnie Rasija — Łacinskaja Amieryka».
Ź jeŭrapiejskich krain pryjechali niekalki čałaviek. Biełaruski parłamient pradstaŭlaŭ vice-śpikier Balasłaŭ Pirštuk.
Jość i «ekśpiertnaje koła». Jakich ekśpiertaŭ pa parłamientaryźmie zaprasili rasijanie?
Jany ŭsie razam zrabili sumiesnaje fota.
Fota z fejsbuka Alaksandra Špakoŭskaha.
Na im možna ŭbačyć dekana fakulteta fiłasofii i sacyjalnych navuk BDU Vadzima Hihina (sprava), a taksama teleśpikieraŭ Alaksandra Špakoŭskaha (u centry), Alaksieja Dziermana (druhi sprava) i byłoha nieanacysta Siarhieja Łušča (druhi źleva).
Łušč byŭ viadomy jak lidar ruskaj nacyjanalistyčnaj arhanizacyi «Rumoł», a raniej jak «žrec» antysiemickaj pahanskaj siekty «Schoron Jež Słovien».
Čytajcie taksama: Ad nieanacyzmu i zmahańnia z «juda-chryścijanskaj akupacyjaj» da studyi Davydźki: śpiecmateryjał pra kiraŭnika «Rumoła» Siarhieja Łušča
Dekan fakulteta fiłasofii BDU Vadzim Hihin nie adkazaŭ na paviedamleńnie z prośbaj ab kamientary.
Chto apłačvaŭ pajezdku biełarusaŭ u Maskvu?
U pres-słužbie Pałaty pradstaŭnikoŭ zapeŭnivajuć, što hrošy ź biudžetu nie vydzialalisia:
«Delehat ad Pałaty pradstaŭnikoŭ — Pirštuk. Ale jon i inšyja biełarusy — heta nie adna delehacyja, adnaznačna. Mierapryjemstva, zdajecca, było arhanizavana pad ehidaj rasijskaha Fiederalnaha schodu. Jany i zaprašajuć udzielnikaŭ samastojna. Pałata pradstaŭnikoŭ — heta dziaržaŭny orhan, jaki nie moža adkazvać za boh viedaje kaho», — patłumačyli ŭ pres-słužbie.
