Śledčy adździeł AUS Savieckaha rajona Homiela 27 kastryčnika raspačaŭ kryminalnuju spravu pa fakcie machlarstva, što adbyłosia na miescy darožna‑transpartnaha zdareńnia..
Jak paviedamili BiełaPAN u śledčym adździele AUS, 17 kastryčnika kala doma pa Rečyckaj šašy adbyłasia avaryja, u vyniku jakoj byŭ traŭmavany mužčyna 1926 hoda naradžeńnia. Na miesca zdareńnia pryjechała mašyna chutkaj dapamohi, na jakoj paciarpiełaha dastavili ŭ balnicu. U mašynu razam z paciarpiełym sieła maładaja žančyna, jakaja pradstaviłasia jaho plamieńnicaj. U balnicy jana zabrała ŭ miedpiersanału klučy, dakumienty i 400 tys. rubloŭ, što naležali paciarpiełamu.
Z zajavaj u milicyju ŭ toj ža dzień źviarnułasia žonka pažyłoha čałavieka, jakaja paviedamiła, što nieviadomaja maładaja žančyna, jakaja pradstaviłasia ich svajačkaj, ale takoj nie źjaŭlajecca, machlarskim šlacham zavałodała dakumientami i hrašami jaje muža. Śledstva šukaje hramadzianku, jakaja padazrajecca va ŭčynieńni złačynstva.
