Va ŭpraŭleńni architektury i budaŭnictva administracyi Maskoŭskaha rajona rastłumačyli — da ŭźviadzieńnia kvartała praktyčna ŭsio hatova, paviedamlaje realt.by.
— Placoŭka dla ŭźviadzieńnia Sankt-Pieciarburhskaha kvartała ŭ Minsku faktyčna hatovaja. Kompleks budzie ŭzvodzicca na miescy pryvatnaha siektara ŭ rajonie vuł. Siamaška. Zaraz zakančvajecca znos apošnich dvuch damoŭ z 17 zapłanavanych da likvidacyi. Budavać kvartał, u jakim źjavicca kala 63 tys. kv. m. žylla, budzie UKB «Zachad», — skazała načalnik upraŭleńnia architektury i budaŭnictva administracyi Maskoŭskaha rajona Łarysa Bystraja.
Picierski kvartał u Minsku prajektujuć rasiejcy, minski u Sankt-Pieciarburhu — biełarusy. Na konkurs było pradstaŭlena pa piać prajektaŭ z kožnaha boku. U kancy 2017-ha žury, u skład jakoha ŭvachodzili rasijskija i biełaruskija ekśpierty, u prysutnaści staršyni Minharvykankama Andreja Šorca i hubiernatara Sankt-Pieciarburha Hieorhija Pałtaŭčanki abjaviła pieramožcaŭ.
Svaju kancepcyju, jakaja pieramahła ź vialikim adryvam, śpiecyjalisty picierskaha architekturnaha biuro «Studyja 17» nazvali «Piatroŭskaja vierf». Čyrvona-karyčnievyja trochsiekcyjnyja karpusy, jakija vyrastuć uzdoŭž vulicy Siamaški, simvalizujuć karabli, a biełyja dvuchsiekcyjnyja — vietrazi.
