14 červienia (čaćvier) historyk Aleś Paškievič, vydaviec Valer Bułhakaŭ i pierakładčyk Uładzimir Papkovič praviaduć lekcyju-prezientacyju na temu «Savieckija partyzany ŭ Biełarusi: mify i rečaisnaść».
Jadrom abmierkavańnia budzie pierakład na biełaruskuju movu fundamientalnaj pracy niamiecka-polskaha daśledčyka Bohdana Musiała pra saviecki partyzanski ruch u Biełarusi, niadaŭna vydadzieny Arche.
Heta kniha — samaje hruntoŭnaje i detalovaje daśledavańnie savieckaha partyznaskaha ruchu ŭ Biełarusi, zroblenaje zamiežanym historykam. Šmat uvahi ŭ im nadajecca bajavym dziejańniam z udziełam partyzan na Viciebščynie, u tym liku razhromu Połacka-Ušackaj zony padčas apieracyi «Viesnavoje śviata» i likvidacyja Biahomlska-Lepielskaj zony: apieracyja «Bakłan».
Aŭtar daśledavańnia nie abminaje ŭvahaj i takija pytańni, jak ałkahalizm i antysiemityzm savieckich partyzanaŭ, ich napady na mirnaje nasielnictva, i h.d.
Vydańnie maje 600 staronak, vyjšła ŭ ćviordaj vokładcy.
Taksama buduć pradstaŭlenyja śviežyja knihi dy časopisy ad vydaviectva Arche.
Uvachod volny!
Daviedki pa telefonie: (29) 550-79-69.