Biełaruskaja vajskovaja hazieta «U słavu Radzimy» paviedamlaje pra vajskova-patryjatyčny letnik «Budučy voin», jakija prajšoŭ na bazie v/č 72471 la Mahilova.
«Čas, praviedzieny chłopcami ŭ łahiery, byŭ nasyčanym i cikavym. Kožny dzień byŭ raśpisany litaralna pa chvilinach, sumavać nie davodziłasia. Spačatku školniki naviedali muziej bryhady, dzie aznajomilisia ź jaje historyjaj, pabyli ŭ kazarmie, pabačyli ŭmovy žyćcia i pobytu vajskoŭcaŭ. Vopytnyja vajskoŭcy pravodzili z chłopcami zaniatki pa fizičnaj, miedycynskaj, ahniavoj, inžyniernaj padrychtoŭcy, a taksama pa inšych pradmietach, jakija lažać u asnovie navučańnia vajennych śpiecyjalistaŭ», — pa-biełarusku piša hazieta.
«Kožny tydzień na praciahu navučalnaha hoda z vučniami vajenna-patryjatyčnych kłasaŭ pravodziacca zaniatki na bazie našaj bryhady.
Ale hetym letam im upieršyniu vypała mahčymaść z hałavoj akunucca ŭ vajskovyja budni.
Asablivaść łahiera «Budučy voin» u tym, što školniki znachodziacca tut kruhłasutačna. Dla ich raźbity pałatačny łahier, naładžana čatyrochrazovaje charčavańnie. Umovy maksimalna nabližany da paŭsiadzionnych budniaŭ sałdat», — cytuje słovy namieśnika kamandzira v/č 72471 pa ideałahičnaj rabocie hvardyi padpałkoŭnika Michaiła Kukajeva vydańnie.
Pryvodziacca taksama słovy padziaki ad baćkoŭ.
«Cudoŭna, što našy Uzbrojenyja Siły iduć nasustrač moładzi, arhanizoŭvajuć padobnyja łahiery. Ja baču, jak źmianiŭsia moj syn paśla zaniatkaŭ z aficerami: jon staŭ bolš surjoznym, adkaznym, dyscyplinavanym. Mienavita hetyja jakaści pavinny być ułaścivy sapraŭdnamu abaroncu Ajčyny», — raskazała haziecie mama adnaho z padletkaŭ.
Vyhladaje, što dziaržava ŭrešcie ŭziałasia za arhanizacyju vajskova-patryjatyčnaha vychavańnia prahnych da takoj spravy padletkaŭ.
Raniej hetaja parafija była addadzienaja čarnasociennym arhanizacyjam, jakija majuć ščylnyja suviazi z Rasijaj.
Niekalki vypadkaŭ vykryćcia takoj dziejnaści narabili šmat šumu ŭ Biełarusi.
Čytajcie taksama:
Biełaruskich školnikaŭ adpraŭlali ŭ Rasiju ŭ trenirovačnyja łahiery pad kiraŭnictvam nieanacystaŭ
«Voiny Chrysta»: jak asobnyja śviatary i aficery na Hrodzienščynie rychtujuć sałdataŭ «ruskaha śvietu»
