U milicyju pastupiła zajava ad 43-hadovaj mahilaŭčanki, u jakoj z bankaŭskaj karty skrali 320 rubloŭ. Hrošy zdymalisia ŭ niekalkich bankamatach na terytoryi Leninskaha rajona horada, i žančyna padazravała, što jaje hrašyma skarystaŭsia pryjaciel.
Vyśvietliłasia, što čužuju kartu ŭziaŭ 39-hadovy siabar žančyny, jaki nidzie nie pracuje i niekalki razoŭ byŭ asudžany za kradziažy. Jana časam načavała ŭ mahiloŭca, pakidała ŭ jaho domie svaje asabistyja rečy. U adzin ź viečaroŭ, jaki siabry bavili razam, žančynie stała drenna, haspadar kvatery vyklikaŭ joj chutkuju. Lekar vypisaŭ nieabchodnyja miedykamienty i paprasiŭ mužčynu ich kupić, pakul žančyna budzie adpačyvać.
Leki mahiloviec kupiŭ, ale nie zabyŭsia i pra siabie — źniaŭ prystojnuju sumu hrošaj. Zdymaŭ i traciŭ hrošy jon na praciahu čatyroch dzion. Padazravany zatrymany.
