Na hetych vychadnych projdzie pieradapošni tur pieršaha koła čempijanatu Biełarusi pa futbole. Kali BATE atrymaje pieramohu, to stanie čempijonam pieršaj pałovy pieršynstva. A ŭ nizie turnirnaj tablicy sapraŭdnaje piekła. Zusim niajasna, chto ž pojdzie na vylet. Siem kamand viaduć žorstkuju baraćbu za vyžyvańnie.
«Naša Niva» razam z Bukmiekierskaj kantoraj Marafon praciahvaje sačyć za našym nacyjanalnym čempijanatam. Nie prapuścicie hulni hetaha tura.
«Pramień» — BATE
- 29.06 / 18:45. Stadyjon SAK «Alimpijski»
- Kaeficyjenty: «Pramień» (pieramoha) — 12.00, ničyja — 6.20, BATE (pieramoha) — 1.22
Mirka Ivanič paśla hulni BATE — «Šachcior».
«Pramień» trapiŭ u duža niepryjemnuju sieryju. Kamanda nie moža pieramahać na praciahu apošnich siami hulniaŭ. Pry hetym u piaci ź ich sastupała supierniku. U «Pramieni» šmat maładych i ambicyjnych futbalistaŭ, ale pakul da vyšejšaj lihi jany nie duža hatovyja. Kamanda zvaliłasia na pieradapošni radok u tablicy. I šancaŭ pieramahčy BATE ŭ ich, ščyra kažučy, zusim vobmal.
BATE paśla ničyjnaj hulni z salihorskim «Šachcioram» znoŭ krytykavaŭ sudziejstva. Ciažka skazać, nakolki heta było spraviadlivym. Na dadzieny momant kamanda apiaredžvaje minskaje «Dynama» na čatyry punkty i padpuskać da siabie duža blizka nie žadaje. Tym časam stała viadoma, što kłub navat nie spaciŭ kampiensacyju byłomu trenieru Alehu Dułubu za daterminovaje skasavańnie kantrakta.
Prahnoz «NN»: Pieramoha BATE z roźnicaj bolš čym u adzin hoł.
«Homiel» — «Dynama» (Brest)
- 29.06 / 20:45. Stadyjon «Centralny»
- Kaeficyjenty: «Homiel» (pieramoha) — 6.70, ničyja — 3.72, «Dynama-Brest» (pieramoha) — 1.55
U trenierski štab «Homiela» ŭvajšoŭ lehiendarny pa biełaruskich mierkach futbalist — Alaksandr Kulčy. Jon doŭhi čas žyŭ u Rasii, a ciapier viarnuŭsia na radzimu, kab dapamahčy «bieła-zialonym». Kulčy pravioŭ za zbornuju Biełarusi bolš za sto matčaŭ. Pieršy matč z udziełam Kulčyja prynios «Homielu» vyjazdnuju pieramohu nad «Minskam».
Bresckaje «Dynama» ŭ kłasnaj maniery pieramahło «Haradzieju», asabliva staraŭsia Pavieł Savicki. Ale ž usim bolš cikava, što tam u Maradony. Kiraŭnik praŭleńnia bresckaha kłuba znoŭ zhańbiŭsia na čempijanacie śvietu padčas hulni Arhiencina — Nihieryja. Były anhlijski futbalist Hary Liniekier navat napisaŭ, što Maradona ryzykuje pieraŭtvarycca ŭ paśmiešyšča. Kali ŭžo skandały buduć u Biełarusi?
Prahnoz «NN»: pieramoha haściej.
«Isłač» — «Słuck»
- 30.06 / 16:45. Stadyjon «Minsk»
- Kaeficyjenty: «Isłač» (pieramoha) — 2.24, ničyja — 3.30, «Słuck» (pieramoha) — 3.18
Fota z vk.com.
Zdajecca, «Isłač» kančatkova źmiryłasia z rollu sieradniaka. Zusim małavierahodna, što kamanda pojdzie na vylet. I absalutna vyklučana, što ŭklučacca ŭ baraćbu za miedali. Z navin «Isłačy» varta adznačyć udałaje kamientavańnie čempijanatu śvietu nastaŭnikam kamandy Vitalom Žukoŭskim. Jon vyhladaje vielmi dobra na fonie mnohich słavutych majstroŭ.
«Słuck» hladzieŭsia vielmi fajna ŭ matčy ź minskim «Dynama», ale padviało majsterstva vykanańnia. Mahli b i pieramahčy, a tak pieramohu minčukam prynios hoł abaroncy-charvata Hałaviča. Słuččaki mohuć być całkam zadavolenyja siezonam. Kamanda i hulniu pakazvaje niebłahuju, i punkty pieryjadyčna nabiraje.
Prahnoz «NN»: totał mienšy za 2,5.
«Tarpieda-BiełAZ» — «Tarpieda»
- 30.06 / 18:45. Stadyjon «Tarpieda»
- Kaeficyjenty: «Tarpieda-BiełAZ» (pieramoha) — 1.22, ničyja — 6.00, «Tarpieda» (pieramoha) — 13.00
Derbi aŭtazavodcaŭ — heta zaŭždy cikava i natchnialna. Sto pracentaŭ, što fanaty kamandy z hetaj nahody pavinny zładzić niešta zapaminalnaje na trybunach. Žodzina atrymała dźvie zapar pieramohi i ciapier dychaje ŭ śpinu kamandam, što iduć u piaciorcy lidaraŭ. Čarhovaja pieramoha ŭzdymie ich jašče vyšej.
Minčuki taksama pryjeduć u hości ŭ badziorym nastroi. Kamanda vyrvała valavuju pieramohu ŭ Mahilovie. Bliskučym halavym pasam piatkaj u tym epizodzie adznačyŭsia biełaruskamoŭny Pavieł Klańnio. Hetkim čynam kamanda ŭ pieršaj ža hulni paradavała svajho novaha treniera Leanida Łahuna.
Prahnoz «NN»: pieramoha «Tarpieda-BiełAZ».
«Nioman» — «Minsk»
- 30.06 / 20:45. Stadyjon CSK «Nioman»
- Kaeficyjenty: «Nioman» (pieramoha) — 1.50, ničyja — 3.80, «Minsk» (pieramoha) — 7.50
Dźmitryj Ancileŭski moža chutka pierajści ŭ minskaje «Dynama». Fota z vk.com.
Apošnim časam «Nioman» niejak čarhuje pieramohi i parazy. Praŭda, parazy byli nie ad aby-kaho, a «Šachciora» i BATE. Hrodziency kryšačku zvalilisia ŭ turnirnaj tablicy, ciapier jany piatyja. Trenier hrodziencaŭ Ihar Kavalevič zmoh stvaryć vielmi dužuju kamandu, jakaja choča ŭźniacca jašče vyšej.
Stała viadoma, što intares da 21-hadovaj zorački «Minska» Dźmitryja Ancileŭskaha prajaŭlajuć ziemlaki-dynamaŭcy. Mahčyma, vielmi chutka «haradžanie» pazbaviacca adnaho z klučavych hulcoŭ. U matčy z «Homielem» niervy zdali ŭ hałkipiera «Minska» Siarhieja Vieramko, jaki staŭ pakazvać siarednija palcy ruk zaŭziataram supiernika.
Prahnoz «NN»: pieramoha «Niomana»
Kali sočycie za čempijanatam śvietu pa futbole, raim vam zrabić staŭku ŭ Bukmiekierskaj kantory Marafon!
«Haradzieja» — «Viciebsk»
- 01.07 / 16:45. Stadyjon «Haradzieja»
- Kaeficyjenty: «Haradzieja» (pieramoha) — 4.85, ničyja — 3.50, «Viciebsk» (pieramoha) — 1.75
U «Haradziei» ŭ hetym siezonie byŭ tolki adzin praśviet — hulnia z barysaŭskim BATE. U astatnim — sum i bieznadziejnaść. Kamanda zajmaje apošni radok u turnirnaj tablicy i vyłazić z hetaj jamy jaŭna nie choča. Kryŭdna za miascovych zaŭziataraŭ, jakija ščyra lubiać futboł. Zrešty, dzie-dzie, a ŭ Haradziei na futboł buduć chadzić i ŭ pieršaj lizie.
«Viciebsk» — heta hałoŭnaje adkryćcio sioletniaha čempijanatu. Mabyć, nichto nie čakaŭ, što paśla 13-ci turaŭ kamanda budzie zamykać trojku lidaraŭ. Pryčym družyna Siarhieja Jasinskaha nie pasuje i pierad hrandami. Adziny niedachop u hulni z «Haradziejaj» dla «Viciebska» stanie adsutnaść Rafaela Ledesmy, jaki pa asabistych spravach palacieŭ u Braziliju.
Prahnoz «NN»: pieramoha «Viciebska».
«Dynama» (Minsk) — «Dniapro»
- 01.07 / 18:45. Stadyjon «Traktar»
- Kaeficyjenty: «Dynama-Minsk» (pieramoha) — 1.50, ničyja — 3.80, «Dniapro» (pieramoha) — 7.50
«Dniapro» siensacyjna sastupiŭ minskamu «Tarpieda». Fota z vk.com.
Z ofisa minskaha «Dynama» prychodziać viestki, što kłub najbližejšym časam moža pakinuć adzin z centralnych futbalistaŭ kłuba apošnich hadoŭ — ukrainiec Alaksandr Najok. Dla «Dynama» heta budzie zaŭvažnaja strata. Były napadnik minčukoŭ Hleb Rasadkin nie duža aptymistyčny pra pierśpiektyvy svaich eks-partnioraŭ. «Dynama, jak zaŭsiody, čahości nie chopić u kancy — i čempijonam stanie BATE», — skazaŭ Rasadkin.
«Dniapro» na dadzieny momant vyhladaje samaj bieznadziejnaj kamandaj čempijanatu. Mahiloŭcy i nie błaha pačali pieršynstvo, ale čym dalej, tym bolej skatvajucca ŭ samy padvał tablicy. Nastaŭnik kamandy Viačasłaŭ Laŭčuk padaŭ u adstaŭku, jaje na hety raz pryniali. Praŭda, zusim niezrazumieła, ci daść heta plonu.
Prahnoz «NN»: pieramoha «Dynama» z roźnicaj bolš čym u adzin hoł.
«Šachcior» — «Smalavičy»
- 01.07 / 20:45. Stadyjon «Budaŭnik»
- Kaeficyjenty: «Šachcior» (pieramoha) — 1.34, ničyja — 4.15, «Smalavičy» (pieramoha) — 13.00
Dziesiać matčaŭ užo «Šachcior» pad kiraŭnictvam Siarhieja Tašujeva nie viedaje parazaŭ. U minułym tury jany vydali cudoŭny matč z BATE, adzin z najlepšych u hetym pieršynstvie. Zasmuciła tolki, što biez hałoŭ. U «Šachcior» zaraz rychtujecca pierajści Siarhiej Bałanovič, jaki doŭhi čas pierad hetym hulaŭ u Rasii.
Z usich navičkoŭ hetaha čempijanatu «Smalavičy» adčuvajuć siabie najbolš upeŭniena. Zrešty, pakul ranavata rabić niejkija vysnovy, ale małavierahodna, što «Smalavičy» mohuć pajści na vylet. Tym časam najlepšy bambardzir kamandy Valeryj Harbačyk adpraviŭsia na prahlad u kłub druhoha šviedskaha dyvizijona.
Prahnoz «NN»: pieramoha «Šachciora».
Nie maje značeńnia, jak vy budziecie hladzieć futboł: pierad ekranam televizara, smartfona ci na trybunach, staŭka ŭ Bukmiekierskaj kantory Marafon zrobić prahlad futboła jašče cikaviejšym!
