Viečaram u čaćvier zaviaršyŭsia hrupavy etap čempijanatu śvietu pa futbole. Zastałasia ŭsiaho čverć matčaŭ, ale płej-of — heta ŭžo zusim inšaja fiłasofija i zusim inšy futboł, biez prava na pamyłku. Kulminacyja tolki napieradzie.
Davajcie ŭzhadajem, čym nam zapomnilisia matčy hrupavoha etapu.
«Haścinnaść» zbornaj Rasii
A.RICARDO / Shutterstock.com
5 červienia ŭ Maskvie zbornaja Rasii zhulała ŭničyju z Turcyjaj u apošnim kantrolnym sparynhu pierad startam čempijanatu śvietu i daviała da siami matčaŭ svaju sieryju bieź pieramoh.
Źjavilisia čutki pra mahčymuju źmienu treniera, i navat nazyvalisia mahčymyja proźviščy patencyjnych pierajemnikaŭ Čarčesava.
Ale haspadary stali adkryćciom mundyjalu i vielmi ŭpeŭniena upieršyniu vyjšli ŭ płej-of. U matčy-adkryćci Rasija dekłasavała Saudaŭskuju Araviju ź likam 5:0, a ŭ druhim tury ź likam 3:1 byŭ pieramožany Jehipiet z Machamiedam Sałacham.
U trecim tury, praŭda, Uruhvaj trojčy pakryŭdziŭ hulcoŭ i zaŭziataraŭ zbornaj Rasii. Ciapier na čarzie — hulnia 1/8 finału ź Ispanijaj, dzie moža zdarycca ŭsio što zaŭhodna.
Sankcyi i zbornaja Irana
Marco Iacobucci EPP / Shutterstock.com
Za dzień da startu mundyjalu zbornaja Irana zastałasia biez bucaŭ praz ekanamičnyja sankcyi z boku ZŠA. Kampanija Nike admoviłasia vydać ekipiroŭku irancam, i tym daviałosia terminova nabyvać abutak u rasijskich kramach ci pazyčać bucy ŭ futbalistaŭ ź inšych krain.
Niepryjemnaści nie złamili zbornuju Irana. U pieršym tury azijaty zdabyli druhuju ŭ historyi pieramohu na mundyjalach, dziakujučy aŭtahołu abhulaŭšy marakancaŭ. Potym minimalna sastupili Ispanii, a ŭ trecim tury ledź nie vybili z turnira partuhalcaŭ. Ničyjoj nie chapiła dla vychadu ŭ płej-of, ale chłopcy Karłaša Kiejruša pakazali vydatny prykład zmahańnia.
Futboł 2.0
Fota: Oleg Bkhambri
Šmat chto kaža, što sistema videaprahladaŭ zabivaje futboł. Jak by toje ni było, VAR našmat mieniej škodzić duchu hulni, čym sudziejskija pamyłki.
Tak, videaprahlady nie pazbavili matčy ad sprečnych rašeńniaŭ, ale sudziejskich skandałaŭ u Rasii pakul nie było.
Pryčoska Nejmara
Fota: Shutterstock.com
Na pačatku čempijanatu ŭsie abmiarkoŭvali nie siensacyjnuju ničyju brazilcaŭ i šviejcarcaŭ, a pryčosku Nejmara, padobnuju da łokšyny chutkaha hatavańnia.
Ale za nie samym udałym imidžam forvarda moža stajać i racyjanalnaje tłumačeńnie. Na mundyjal brazilec pryjechaŭ nie ŭ najlepšaj kandycyi paśla traŭmy i takim nietryvijalnym čynam adciahvaje ŭvahu ad svajoj nie samaj udałaj hulni.
Maskiroŭka karejcaŭ
Fota: Shutterstock.com
Trenierski štab zbornaj Paŭdniovaj Karei byŭ vielmi zakłapočanym uvahaj žurnalistaŭ i supiernikaŭ da svajoj zbornaj. Kab schavać płany i taktyku, azijaty pajšli na chitryki.
Na treniroŭki karejcy vychodzili ŭ cišotkach ź niekalkimi numarami, a na adkryty zaniatak dla žurnalistaŭ vyjšli ŭ formie naohuł biez apaznavalnych znakaŭ. Stereatyp pra padobnych adzin da adnaho azijataŭ ŭ dziejańni.
Takaja taktyka nie dapamahła sa šviedami i mieksikancami, ale ŭ trecim tury Paŭdniovaja Kareja adpraviła dadomu zbornuju Hiermanii, dziejsnaha čempijona śvietu.
Pravał palakaŭ i niemcaŭ
Miem pra vystup zbornaj Polščy: «Polšča — Biaźludny Vostraŭ 0:2. Abodva hały zabili sami sabie. Jak tak atrymałasia — nie viedajem». Facebook.com/zagraliiposzli
Hieahrafičnyja susiedzi amal sinchronna pravalilisia ŭ Rasii.
Palaki amal biezapielacyjna sastupili ŭ pieršych dvuch turach Sieniehału i Kałumbii dy daterminova akazalisia biez šancaŭ na praciah baraćby. U trecim tury palaki krychu reabilitavalisia pierad zaŭziatarami, abhulaŭšy japoncaŭ, ale nijak inačaj čym pravałam vystupleńnie palakaŭ nazvać składana.
Niemcy mahli pravalicca sinchronna z susiedziami, ale vyrvali pieramohu ŭ hulni sa Šviecyjaj u dadadzieny arbitram čas i praciahnuli mučeńni da apošniaha tura. Ale ŭ vyrašalnym matčy Hiermanija skłała paŭnamoctvy čempijonaŭ śvietu i prajhrali vyšejzhadanym paŭdniovakarejcam.
U nas budzie novy čempijon śvietu. Paśla hiehiemonii «Reała» na kłubnym uzroŭni heta ŭsprymajecca dobraj navinoj.
Pamyłka, jakaja ledź nie vyšvyrnuła Arhiencinu z mundyjalu
Uili Kabaljera pravioŭ za «Čełsi» tolki čatyry hulni za siezon, ale z-za traŭmy Sierchia Ramera staŭ asnoŭnym bramnikam Arhienciny na čempijanacie śvietu.
U pieršym tury «albisieleste» zhulali ŭničyju ź Isłandyjaj, a ŭ hulni druhoha tura Kabaljera zrabiŭ žudasnuju pamyłku, faktyčna padaravaŭšy pieršy hoł charvatam. Bałkancy skarystalisia takim padarunkam pa poŭnaj: 0:3 i krok ad vyletu.
Ale Mesi i kampanija vyratavalisia, zdabyŭšy pieramohu nad Nihieryjaj ŭ trecim tury. A Kabaljera sieŭ na łaŭku.
Kosaŭski śled
22 červienia ŭ Kalininhradzie pamiž saboj hulali sierby i šviejcarcy. Usio b i ničoha, ale ž u składzie šviejcarcaŭ hulaje niamała futbalistaŭ z ałbanskimi karaniami. A nahadvać pra adnosiny Sierbii i Kosava tut, dumajem, nie treba.
Šviejcarcy pieramahli ź likam 2:1. U ich składzie adznačylisia Hranit Džaka, čyje baćki — kosaŭskija ałbancy, i Džardan Šačyry, jaki naohuł naradziŭsia ŭ Kosavie. Hulcy adznačyli zabityja hały, pakazaŭšy rukami ałbanskaha arła.
FIFA aštrafavała hulcoŭ zbornaj Šviejcaryi za taki žest, ale patrebnuju sumu hatovyja achviaravać jak u Ałbanii, tak i ŭ Kosavie, kab adździačyć futbalistam zbornaj Šviejcaryi.
Kali sočycie za čempijanatam śvietu pa futbole, raim vam zrabić staŭku ŭ Bukmiekierskaj kantory Marafon!
Jehipiecki rekardsmien
Fota: Anna Nessy / Shutterstock.com.
Bramnik zbornaj Jehipta Esam al-Chadary pabiŭ rekord Faryda Mandrahona i staŭ samym ŭzrostavym futbalistam u historyi čempijanataŭ śvietu.
Al-Chadary vyjšaŭ u trecim tury suprać Saudaŭskaj Aravii va ŭzroście 45 hod, 161 dzień i navat paciahnuŭ pienalci. Ale hetaha nie chapiła navat dla taho, kab zdabyć ničyju.
Pavodziny Maradony
Staršynia praŭleńnia bresckaha «Dynama» aktyŭna bavić čas na matčach čempijanatu śvietu i paśpieŭ patrapić u niekalki kamičnych historyj.
Dyjeha Armandavič to paliŭ u vip-łožy, to kryŭdziŭ karejskich fanataŭ, to pakazvaŭ nieprystojnyja žesty. Skončyłasia heta tym, što Maradonu spatrebiłasia dapamoha miedykaŭ.
Nie zabyvaŭ arhienciniec i pra svoj kłub: paśla pieramohi bresckaha «Dynama» nad «Haradziejaj» Maradona napisaŭ vinšavańni ŭ instahramie.
Płej-of i fejr płej
Fota: Marco Iacobucci EPP / Shutterstock.com
Upieršyniu los pucioŭki ŭ płej-of vyrašaŭsia pa kolkaści pakazanych hulcam žoŭtych i čyrvonych kartak.
Japonija i Sieniehał nabrali pa čatyry ački, pamiž saboj zhulali ŭničyju (2:2) i mieli adnolkavuju roźnicu zabitych i prapuščanych miačoŭ (4:4). U troch hulniach japoncy papiaredžvalisia 4 razy, a sieniehalcy — šeść. Mienavita heta i dazvoliła azijatam vyjści ŭ nakaŭt-raŭnd.
Kanfuz Batšuai
U čaćvier anhličanie i bielhijcy hulali ŭ vielmi dziŭny futboł. Paśla dvuch turaŭ abiedźvie kamandy mieli pa šeść ačkoŭ i musili vyznačycca ź lidaram i druhoj kamandaj hrupy.
Sprava ŭ tym, što druhoje miesta ŭ hrupie harantavała słabiejšuju sietku na šlachu da finału.
Bielhijcy zdoleli pieramahčy, dziakujučy miaču Januzaja. Mišy Batšuai tak radavaŭsia hołu partniora, što adśviatkavaŭ padzieju pa-asablivamu.
Sam Batšuai taksama z humaram adreahavaŭ na kurjozny epizod, napisaŭšy: «Viedaŭ, što afihieju, varta mnie zajści ŭ Twitter. Nu čamu ja taki tupy?»
A čym vam paśpieŭ zapomnicca čempijanat śvietu?
