U kancy maja «Moładź BNF» paviedamlała pra vypadak cisku na svajho aktyvista, navučenca sacyjalna-humanitarnaha kaledža Alaksandra Maskalova, jakomu pahražali vyklučeńniem z kaledža z-za dziejnaści ŭ arhanizacyi.
Alaksandr Maskaloŭ. Fota: Radyjo Svaboda.
Paśla hetaha vypadku kiraŭnik Partyi BNF Ryhor Kastusioŭ asabista sustreŭsia z dyrektaram kaledža, ale dakładnaha adkazu pra situacyju tak i nie atrymaŭ. 6 lipienia lidar BNF naviedaŭ Ministesrtva adukacyi, dzie pra hetuju situacyju asabista parazmaŭlaŭ ź ministram adukacyi Iharam Karpienkam i pieradaŭ jamu aficyjny zvarot i rašučy pratest z nahody takich pahroz u bok aktyvistaŭ Moładzi BNF.
28 červienia pryjšoŭ adkaz ad Ministerstva adukacyi z podpisam ministra adukacyi Ihara Karpienki, u jakim adznačajecca, što padstavy dla adličeńnia Alaksandra Maskalova pa inicyjatyvie ŭstanovy adukacyi adsutničajuć. Taksama ŭ adkazie ministerstvie adukacyi adznačajecca, što kuratar vučebnaj hruppy Dzen A.Ł i vykładčyk Jepichava Ja.A nie paćvierdzili toj fakt, što ź ich boku ŭ adras Maskalova hučali pahrozy, ale razam z tym administracyjaj kaledža praviedzieny hutarki z vykładčykami, kuratarami vučebnych hrup ab karektnych pavodzinach u dačynieńni da navučencaŭ.
