Biełaruskija turysty paciarpieli ŭ vyniku aŭtamabilnaj avaryi na pieravale Hambory, paviedamlaje hruzinski telekanał «Rustavi-2». Pierakuliŭsia aŭtobus, jaki vioz ich z Tełavi ŭ Tbilisi.
Foto: rustavi2.ge
U MZS Biełarusi paćvierdzili infarmacyju pra DTZ. U aŭtobusie znachodzilisia biełarusy. 25 čałaviek atrymali traŭmy lohkaj i siaredniaj stupieni ciažkaści. Pasolstva ŭ Hruzii znachodzicca ŭ kantakcie z paciarpiełymi.
Pa słovach hida kampanii Travel to Georgia, jaki supravadžaŭ turystaŭ, usiaho ŭ mašynie było 27 pasažyraŭ, 25 ź jakich — biełarusy, udakładniaje «Interfaks».
Pa słovach daktaroŭ balnicy ŭ Tełavi, kudy było dastaŭlena 16 paciarpiełych, u troch ŭstanoŭleny strus mozhu, u adnaho —pierałomy kaniečnaściaŭ i jamu pravodzicca apieracyja, u astatnich — niaznačnyja traŭmy.
Foto: rustavi2.ge
Na miescy pracujuć ratavalniki i palicyja.
