Unačy 1 lipienia ŭ milicyju źviarnuŭsia instruktar spartyŭna-azdaraŭlenčaha łahiera «Spartakaviec», jaki raźmieščany kala vioski Padbiareźzie Viciebskaha rajona. Mužčyna paviedamiŭ, što ŭviečary kala 20:30 z łahiera syšła 13-hadovaja vychavanka dziciačaha doma Viciebska Valeryja Hruntova. Pra jaje miescaznachodžańnie ničoha nie viadoma.
Taksama 1 lipienia ŭ Navapołacku syšoŭ z domu 14-hadovy Daniił Ščarbakoŭ. Jon skazaŭ mamie, što adpraŭlajecca za pakupkami ŭ kramu, i da hetaha času jaho nichto nie bačyŭ.
Jość padstavy mierkavać, što ŭcioki dvuch padletkaŭ źviazany. U svoj čas jany razam lačylisia ŭ miedustanovie, dzie i paznajomilisia. Vierahodna, padletki zhavarylisia, kab sustrecca ŭ vyznačanym miescy.
Ich prykmiety: Valeryi na vyhlad 15-16 hadoŭ, rost kala 165-175 sm, vałasy farbavanyja, aranžavaha koleru.
Była apranuta: šeraja bajka z kapiušonam, čornyja džynsy z dekaratyŭnym razryvam na adnym z kalenaŭ, čornyja krasoŭki ź biełaj padešvaj, z saboj mieła zaplečnik čyrvonaha koleru z čornymi ŭstaŭkami.
Ščarbakoŭ Daniił na vyhlad 16-17 hadoŭ, rost 170-175 sm, siaredniaha ciełaskładu, vałasy śvietłyja karotkija.
Byŭ apranuty: bajka čornaha z malunkam na hrudziach, viatroŭku ciomnaha koleru, štany koleru chaki, ciomna-zialonaha koleru, kiedy čornaha koleru ź biełaj padešvaj. Kiepka čornaha koleru z nadpisam biełaha koleru «Police».
Usich, chto vałodaje infarmacyjaj pra miescaznachodžańnie źnikłych padletkaŭ, prośba paviedamić u milicyju pa telefonie 102.