U susiedniaj dziaržavie burlać žarści. Na terytoryi Nateckaj puščy (heta vialiki lasny masiŭ kala Poznani) znajšli budoŭlu hihanckaha zamka ŭ achoŭnaj zonie, piša vydańnie money.pl.
Budoŭla mieścicca na bierazie adnaho z azioraŭ na terytoryi, što ŭvachodzić u prajekt «Natura 2000». «Natura 2000» — heta šerah achoŭnych zon pa ŭsioj Jeŭropie, na jakich znachodziacca redkija žyvioły i raśliny.
I voś ciapier na takoj terytoryi raście vialiki zamak, u jakim budzie 15 pavierchaŭ — adzin ź ich padziemny — i 46 pakojaŭ. Jon raźličany na 97 žycharoŭ i 10 čałaviek absłuhi.
Čynoŭniki zapeŭnivajuć, što na papulacyju ptušak, jakija žyvuć na terytoryi, budynak i jaho infrastruktura nie paŭpłyvajuć. Adnak niezaležnyja ekołahi i presa ŭ šoku.
Taksama nieviadoma, chto mienavita vałodaje zamkam. Žurnalisty šukajuć dakładnaha haspadara budoŭli i navat majuć niekalki viersij, ale dakładnych varyjantaŭ pakul niama.
