Fota Biełta
Pra heta paviedamlaje Biełta sa spasyłkaj na pres-sakratarku kiraŭnika biełaruskaj dziaržavy Natallu Ejsmant. Jana raspaviała, što Alaksandr Łukašenka ŭvažliva sačyŭ za padziejami na mundyjali — matčami hrupavoha etapu i asabliva na stadyi płej-of.
Prezident u tym liku vysoka acaniŭ vyniki hulni haspadaroŭ turniru — rasijskaj zbornaj, jakaja vielmi dobra pakazała siabie. «I, uvohule, na dumku kiraŭnika dziaržavy, pa chodzie čempijanatu mnohija kamandy pakazali pieršakłasny futboł. U kožnym matčy prysutničała intryha, niezaležna ad rehalij hulcoŭ i ranhu favarytaŭ. Hety mundyjal sapraŭdy staŭ adkryćciom novych zornych kamand», — adznačyła pres-sakratarka.
Adkazvajučy na pytańnie, za kamandu jakoj krainy Alaksandr Łukašenka budzie zaŭzieć padčas finalnaha matču, Natalla Ejsmant padkreśliła, što pierš za ŭsio «za pryhožy i rezultatyŭny futboł».
U finale čempijanatu śvietu zhulajuć zbornyja Francyi i Charvatyi, a napiaredadni, 14 lipienia, za bronzu pazmahajucca Bielhija i Anhlija.
