Fota Fakty
U avaryju, jakaja adbyłasia pad Adesaj 14 lipienia, trapiła siamja ź Minska. Pra heta paviedamili ŭ Śledčym upraŭleńni Nacyjanalnaj palicyi Ukrainy pa Adeskaj vobłaści.
- U «Sitraenie» jechała siamja ź Minska: tata, mama, ich dačka i 4-hadovaja ŭnučka. Jany źbiralisia adpačyć na mory ŭ Adeskaj vobłaści. U darozie ŭ ich paŭstała nieabchodnaść prypynku, ale ŭ momant, kali ŭ aŭto ŭrezaŭsia hruzavik, jany ŭžo źbiralisia adjazdžać i ŭsie byli ŭ mašynie, — raspaviali auto.tut.by śledčyja.
Dzicia zahinuła na miescy DTZ, pasažyry i kiroŭca Citroen atrymali traŭmy, paśla akazańnia miedycynskaj dapamohi ź lakarni ich adpuścili. Kiroŭca hruzavika ź pierałomam pazvanočnika byŭ špitalizavany.
Pavodle papiaredniaj infarmacyi, u avaryi vinavaty kiroŭca fury: jon rastłumačyŭ, što padčas ruchu paciahnuŭsia za dakumientami ŭ bardačok i adciahnuŭsia ad kiravańnia.