U Minsku 21-hadovy chłopiec vyjšaŭ z turmy, adznačyŭ hetu radasnuju padzieju, paśla čaho skraŭ mašynu, kab pajechać da maci, paviedamlaje HUUS Minharvykankama.
U dzień vyzvaleńnia z turmy chłopiec pryjechaŭ na ciahniku z Oršy ŭ Minsk. Jon vypiŭ, hrošaj na darohu da maci ŭ Vałožynski rajon u jaho nie zastałosia, tamu jon vyrašyŭ skraści pryparkavany ŭ adnym z dvaroŭ Ford.
Chłopiec pryjechaŭ da maci, adzin dzień pakarystaŭsia mašynaj i spaliŭ jaje. Supracoŭniki milicyi zatrymali złamyśnika.
Raspačata kryminalnaja sprava pa č.2 art.214 KK Biełaruś. Jamu pahražaje pakarańnie ŭ vyhladzie pazbaŭleńnia voli na termin da 6 hadoŭ.
0
0
0
0
0
0