40 śpiecyjalistaŭ-ajcišnikaŭ hetaj vosieńniu papoŭniać šerahi Uzbrojenych Sił. Nastupnaj viasnoj — jašče 20. Terminovuju słužbu jany buduć prachodzić u rocie infarmacyjnych technałohij, jakaja stvarajecca na bazie Vajskovaj akademii.
Načalnik Vajskovaj Akademii hienierał-major Viktar Lisoŭski raspaviadaje pra tendencyi: u vojska maładyja ludzi, jakija majuć vyšejšuju techničnaje adukacyju pa IT-śpiecyjalnaści iduć vielmi nieachvotna:
— Kab jany nie chavalisia ad pradstaŭnikoŭ vajskovych struktur, nie ihnaravali vykanańnie svajho kanstytucyjnaha abaviazku, kab chłopcy padčas słužby raźvivali svaje prafiesijnyja navyki: prynosili, z adnaho boku, karyść sistemie vajskovaj biaśpieki, a ź inšaha — nie hublali svaju vysokaapłatnuju kvalifikacyju, i pryniali rašeńnie pra stvareńnie takoj IT-roty.
Lisoŭski raskazaŭ, što siarod zakazčykaŭ budzie nie tolki Ministerstva abarony, ale i arhanizacyi Dziaržaŭnaha vajskovaha pramysłovaha kompleksu.
— Formaŭ supracoŭnictva budzie niekalki, — tłumačyć Viktar Lisoŭski. — U pieršuju čarhu, pryzyŭniki, viadoma, stanuć vykonvać zadačy ŭ intaresach akademii i Uzbrojenych Sił. Ale kali pryzvany na terminovuju słužbu śpiecyjalist kampanii-rezidenta Parku vysokich technałohij viadzie składany mižnarodny prajekt, kali kantrakt składzieny na vialikuju sumu, to pieraškod čynić nichto nie budzie. Navat kali praca miarkujecca nočču z krainaj, jakaja znachodzicca absalutna ŭ inšym časavym pojasie. Usio heta, zrešty, budziem vyrašać dyfierencyravana, u indyvidualnym paradku.
