Sud Leninskaha rajona Mahilova prysudziŭ byłoha načalnika adździeła architektury i budaŭnictva Mahiloŭskaha rajvykankama da 3 hadoŭ z adterminoŭkaj, piša BiełTA.
Pracujučy na pasadzie načalnika adździeła architektury i budaŭnictva Mahiloŭskaha rajonnaha vykanaŭčaha kamiteta, mužčyna ŭstupiŭ u złačynnuju zmovu sa svaim znajomym. Takim čynam jon mieŭ namier niezakonna zavałodać hrašyma hramadzian pry prodažy ziamielnaha ŭčastka. Znajomy nabyvaŭ ŭčastki nibyta dla viadzieńnia asabistaj padsobnaj haspadarki, a dla nadańnia im bolš vysokaha koštu pierad prodažam z dapamohaj siabra-načalnika niezakonna źmianiaŭ ich metavaje pryznačeńnie: «dla budaŭnictva i absłuhoŭvańnia adnakvaternaha žyłoha doma».
Eks-načalnik adździeła pryznany vinavatym u pieravyšeńni słužbovych paŭnamoctvaŭ i machlarstvie ŭ bujnym pamiery. Jaho znajomy — u dapamozie pry ździajśnieńni hetych złačynstvaŭ. Abvinavačanych prysudzili da troch hadoŭ pazbaŭleńnia voli. Vykanańnie asnoŭnaha pakarańnia adterminavali na dva hady. Akramia taho, fihurantam pryznačany štraf u pamiery 800 bazavych.
Jany pazbaŭlenyja prava zajmać peŭnyja pasady na termin čatyry hady. Prysud nie ŭstupiŭ u zakonnuju siłu i moža być abskardžany i apratestavany va ŭstanoŭlenym paradku.
