17 lipienia kala dvuch hadzin nočy pablizu vioski Bieluncy Voranaŭskaha rajona (Hrodzienskaja vobłaść) pamiežniki zaŭvažyli śviežyja ślady aŭtamabilnych šyn. Mašyna ruchałasia ŭ bok litoŭskaj miažy.
Nieŭzabavie znajšli aŭtamabil UAZ. Zaŭvažyŭšy nabližeńnie pamiežnikaŭ, kiroŭca padazronaj mašyny pačaŭ ruch i pasprabavaŭ uciačy.
Pamiežniki namiakali, što niadrenna było b spynicca, adnak UAZ praciahvaŭ uciakać.
U vyniku pačałasia stralanina pa aŭtamabili. Ale navat z prastrelenymi kołami mašyna praciahvała ruch.
Praŭda, jaje ŭsio ž spynili. Zatrymali dvaich biełarusaŭ, a ŭ ich mašynie znajšli 55 tysiač pačkaŭ cyharet, paviedamlaje Dziaržpamiežkamitet.
Ciapier kantrabandystam pahražajuć bujnyja štrafy.
0
0
0
0
0
0