Sacyjalnyja sietki Instagram i Facebook u sieradu paviedamili pra źjaŭleńnie novych sposabaŭ efiektyŭnaha vykarystańnia času karystalnikami, havorycca ŭ pres-relizie Instagram, apublikavanym na aficyjnym sajcie dadatku.

«Siońnia my abviaščajem ab zapusku novych miechanizmaŭ, jakija dapamohuć karystalnikaŭ Instagram i Facebook tałkova raźmiarkoŭvać svoj čas. Heta panel kiravańnia aktyŭnaściu, štodzionnaja «nahadvałka», a taksama novy sposab abmiežavać płyń abviestak», - havorycca ŭ tekście.

Jak adznačajecca, miechanizmy byli raspracavanyja z udziełam ekśpiertaŭ-psichołahaŭ, a taksama na asnovie daśledavańnia Instagram i Facebook i vodhukaŭ ich karystalnikaŭ.

Kab skarystacca novaŭviadzieńniami, nieabchodna adčynić panel nastrojek ŭ lubym z dadatkaŭ. U Instagram karystalnikam treba nacisnuć na ŭkładku «Vaša aktyŭnaść», a ŭ Facebook - «Vaš čas na Facebook», dzie budzie adlustroŭvacca čas, praviedzieny ŭ sacyjalnaj sietcy za dzień. Nižej pad ikonkaj možna ŭstalavać štodzionnuju «napaminałku», jakaja budzie paviedamlać pra pieravyšeńnie limitu, vyznačanaha karystalnikam na dadatak ŭ dzień.

Taksama źjavicca funkcyja prypynieńnia push-abviestak na peŭny pramiežak času. Dadatak dla raźmiaščeńnia fota i nievialikich videarolikaŭ Instagram byŭ zapuščany ŭ kastryčniku 2010 hoda i pieršapačatkova pryznačałasia tolki dla mabilnych pryład ad kampanii Apple. U krasaviku 2012 hoda servis staŭ dastupny dla karystalnikaŭ płatformy Android. Tady ž kampanija Facebook, jakaja vałodaje adnajmiennaj sacyjalnaj sietkaj, kupiła Instagram za $ 1 młrd.

Клас
Панылы сорам
Ха-ха
Ого
Сумна
Абуральна