Na Aŭhustoŭskim kanale zaŭvažyli ślady miadźviedzia, paviedamlaje BiełTA. Miadźviedź źjaŭlaŭsia ŭ pryhraničnych rajonach Hrodzienskaj vobłaści.

«Zaŭvažyli ślady nieŭłaścivaj dla hetych miescaŭ žyvioły pahraničniki. Źviarnulisia da nas. Akazałasia, što na terytoryju krainy zajšoŭ małady miadźviedź», — raspavioŭ majstar lesu Aŭhustoŭskaha laśnictva Ivan Sadkoŭski.

Chutčej za ŭsio, hość pryjšoŭ z Polščy. Jon prajšoŭsia pa lesie, pabyvaŭ u rajonie viosak Kadyš i Hałavienčycy i praz sutki pajšoŭ nazad. Składana skazać, ci moža miadźviedź pasialicca ŭ rajonie Aŭhustoŭskaha kanała na biełaruskim baku. Siońnia heta miesca papularna ŭ turystaŭ, jano zanadta ludnaje i šumnaje dla hetaha źviera. Zrešty, u lasach vakoł kanała žyvuć i łasi, i kazuli, i drapiežniki — vaŭki i rysi. Mahčyma, fauna hetych miescaŭ i pašyrycca. U apošnija dziesiacihodździ miadźviedzi na biełaruskim baku Aŭhustoŭskaha kanała nie adznačalisia.

Клас
Панылы сорам
Ха-ха
Ого
Сумна
Абуральна