Dla ździajśnieńnia terakta, jaki nibyta płanavali deputat Viarchoŭnaj Rady Nadzieja Saŭčanka i Uładzimir Ruban, patrabavałasia da 20 čałaviek. Pra heta padčas bryfinhu paviedamiŭ dyrektar Kijeŭskaha navukova-daśledčaha instytuta sudovych ekśpiertyz Alaksandr Ruvin.
Ekśpiert dadaŭ, što niepasredna nanosić udary z 4 minamiotaŭ, jakija znajšli ŭ Rubana, mahli da 10 čałaviek.
Pavodle jaho słoŭ, nibyta zapłanavanyja 44-46 strełaŭ možna było ažyćciavić za 15 chvilin maksimum.
Minimalnaja dalokaść hetych minamiotaŭ — 460 mietraŭ, maksimalnaja — 7 kiłamietraŭ.
Pavodle padlikaŭ ekśpiertaŭ, «terakt» moh pryvieści da 10 tysiač paciarpiełych.
Hienprakuror Juryj Łucenka padčas bryfinhu taksama paviedamiŭ, što pravaachoŭniki vyvučajuć suviazi Saŭčanka z kumam prezidenta Rasii Viktaram Miadźviadčukom.
