«Naša Niva» źviarnuła ŭvahu, što ŭ minskich kramach pradajecca sałodkaja kukuruza, impartavanaja… z Kitaja!
Hetaje fota zroblena ŭ «Karonie».
Heta vyhladaje dziŭnym na fonie zasadžanych kukuruzaj biełaruskich paloŭ. Dyk čamu tak? My paprasili handlovuju sietku patłumačyć heta.
Jak adkazali nam pradstaŭniki «Karony», tut nielha kazać pra niejkuju dyskryminacyju biełaruskaj pradukcyi, sprava ŭ tym, što ajčynnyja vytvorcy pieravažna vyroščvajuć kukuruzu na korm žyviole.
«Da taho ž, jość roznyja hatunki kukuruzy. Toje, što vy bačycie na palach, — heta nie taja kukuruza, jakaja lažyć na palicach. Zrešty, u nas i kansiervavanaja kukuruza zbolšaha impartnaja, bo svajoj robicca mała. Mahčyma, niechta zadumajecca i pačnie vyroščvać jaje i dla ludziej», — patłumačyli nam u sietcy.
