Hrodzienskaja milicyja paviedamiła pra aryšt žychara horada, jaki tydzień tamu zavabiŭ dźviuch małaletnich dziaŭčynak u padjezd žyłoha doma i zrabiŭ im injekcyju nieviadomym rečyvam.
Na jaho zaviedzienaja kryminalnaja sprava za chulihanstva.
***
Stali viadomyja padrabiaznaści zdareńnia. Jak paviedamlaje miascovy partał Grodno.in, dziaciej pakinuli u dvary litaralna na 30 chvilin. U hety čas padyšoŭ nieznajomy prapanavaŭ dziaŭčatam 5 i 7 hadoŭ padniacca na dach šmatpaviarchovaha doma i pahladzieć na horad.
«Mužčyna patuzaŭ za ručki dźviarej, jakija viaduć na dach, ale ŭsie jany akazalisia začynienyja. Tady jon dastaŭ špryc, nabraŭ z ampuły nieviadomaje rečyva, dva razy ŭkałoŭ u vienu kožnaj dziaŭčyncy, a zatym znoŭ nabraŭ špryc i ŭpyrsnuŭ vadkaść im u rot. Pačuŭšy, što niechta jedzie na lifcie, mužčyna skazaŭ dzieciam, što treba ŭciakać», — piša Grodno.in.
Paśla mužčynu znajšli i zatrymali, ale praz troje sutak vypuścili. Ciapier jaho iznoŭ uziali pad vartu.
Što było ŭ ampułach, pakul nie paviedamlajecca.
