Pa spravie ab niezakonnym dostupie da płatnaj padpiski infarmahienctva BiełTA šerah žurnalistaŭ i redaktaraŭ zatrymany na troje sutak.
U izalatar časovaha ŭtrymańnia na Akreścina ŭžo adpraŭlenyja hałoŭnaja redaktarka TUT.by Maryna Zołatava, vypuskajučy redaktar TUT.by Hanna Kałtyhina, redaktar raździeła «Hramadstva» TUT.by Uljana Babajed, dziažurny redaktar TUT.by Halina Ułasik, a taksama ahladalnica BiełaPAN Taćciana Karaviankova.
Niezrazumieła, ci vyjduć na volu redaktar resursa finance.tut.by Dźmitryj Bobryk, žurnalist resursa 42.tut.by Hanna Jermačonak, redaktar BiełaPAN Andrej Sierada, jakich zabrali na dopyty. Nie vychodzić na suviaź jašče i byłaja redaktarka TUT.by Jaŭhienija Bieraziuk.
Śledčy kamitet na čale sa staršynioj Ivanam Naskievičam rasśledujuć spravu ab «niesakcyjanavanym dostupie da kampjutarnaj infarmacyi, ździejśnienym ź inšaj asabistaj zacikaŭlenaści, jakaja paciahnuła pryčynieńnie istotnaj škody».
Ivan Naskievič. Fota: Tut.by.
Mahčyma, redakcyi mieli dostup da płatnaj infarmacyjnaj stužki dziaržaŭnaha ahienctva BiełTA.
Čytajcie taksama: