Prezydent Polščy ličyć, što «siońnia Rasieja nie źjaŭlajecca susiedam, jakoha možna ličyć biaśpiečnym», piša Polskaje radyjo.
Andžej Duda. Fota: Flickr.
Prezydent Polščy Andžej Duda ŭ intervju zajaviŭ pra isnavańnie vajennaj pahrozy z boku Rasiei.
Pavodle słoŭ prezydenta, Rasieja źjaŭlajecca ahresaram, i admaŭlać heta «prosta niesurjozna».
U jakaści prykładu prezydent pryvioŭ Hruziju, jakaja adčuvaje pahrozu z boku Rasiei, i Ŭkrainu, jakaja znachodzicca ŭ «vajennaj sytuacyi», a Krym, Łuhanskaja i Danieckaja vobłaści akupavany Rasiejaj.
Andžej Duda patłumačyŭ, što na Danbasie «separatysty — heta na samaj spravie prosta rasiejcy, jakich padtrymlivaje Kreml, i tolki dziakujučy jamu jany dziejničajuć».
«Roznyja vidy rasiejskich pravakacyj, jak vajennych, tak i hibrydnych, a taksama kiberataki pakazvajuć, što siońnia Rasieja nie źjaŭlajecca susiedam, jakoha možna ličyć biaśpiečnym», — skazaŭ Andžej Duda.
Prezydent dadaŭ, što abaronaj Polščy ad hetaj pahrozy źjaŭlajecca členstva ŭ NATA i prysutnaść sił Paŭnočnaatlantyčnaha sajuza na terytoryi krainy.
