Farmaceŭtyčnaja kampanija LG Chem. Ltd. (Respublika Kareja) pasadziejničaje ŭ rasśledavańni hibieli dvuchmiesiačnaha chłopčyka paśla płanavaj vakcynacyi ŭ Hancavickim rajonie, paviedamlaje Ministerstva achovy zdaroŭja.
Upaŭnavažanyja pradstaŭniki hetaj farmkampanii prybuduć u Biełaruś z aficyjnym vizitam. LG Chem škaduje ab zdareńni. «My hatovyja vykanać naš abaviazak u najlepšaj padtrymcy vašaha rasśledavańnia», — adznačajecca ŭ aficyjnym liście pradstaŭnikoŭ kampanii.
Kantrol jakaści vakcyny pravodziŭsia ŭ łabaratoryjach Šviejcaryi, Italii i Bielhii pry supracoŭnictvie z SAAZ. Skarhaŭ ad inšych krain niama. Pavodle ŭdakładnienych danych, z momantu pieršaha zapusku ŭ śviecie było vyrablena bolš za 52 miljony doz.
LG apłaciła pieršapačatkovuju ekśpiertyzu daśje, a poŭnaje daśje pierakładuć i adaptujuć da kanca vieraśnia.
Śpiecyjalisty kampanii Sanofi Pasteur (Francyja) paviedamili, što infarmacyja pa vakcynie «Imavaks Polia» analizujecca ŭ štab-kvatery kampanii. Vyniki pastupiać u Biełaruś u vieraśni.
U dziciaci, jakoha pryščaplali ŭ Hancavickim rajonie, raźviłasia reakcyja paśla ŭviadzieńnia dźviuch vakcyn — «Eŭpienta» i «Imavaks Polia». Užyvańnie dźviuch sieryj hetych vakcyn prypynili da zakančeńnia rasśledavańnia.
