Šviedski źniščalnik JAS Gripen paciarpieŭ krušeńnie paśla sutyknieńnia z ptuškaj na poŭdni Šviecyi, paviedamlaje Radio Sweden u tvitary. Samalot raźbiŭsia kala Karłskrony — za 160 km na ŭschod ad Malmio, treciaha pa vieličyni horada Šviecyi, udakładniaje AP.
«Šviedski źniščalnik JAS Gripen paciarpieŭ krušeńnie ŭ paŭdniovaj Šviecyi kala Raniebiu paśla sutyknieńnia z ptuškaj. Piłot katapultavaŭsia i adpraŭleny ŭ balnicu dla pravierki», — havorycca ŭ paviedamleńni Radio Sweden.
Pa słovach ministra abarony Šviecyi Pietera Chultkvista, jakoha cytuje Radio Sweden, «ciapier usio turbujucca za piłota» JAS 39 Gripen. Jon paviedamiŭ, što lotčyk dziejničaŭ u adpaviednaści ź instrukcyjaj. Ministr taksama adznačyŭ, što lotčyka paśla katapultacyi zmahli vielmi chutka znajści i evakuiravać z dapamohaj viertalota pošukava-vyratavalnaj słužby, što taksama kaža pra efiektyŭnaść jaje pracy.
Jak adznačaje The Local, piłot, jakoha dastavili ŭ balnicu, znachodzicca ŭ dobrym stanie «z ulikam isnujučych abstavin».
