Impičmient prezidentu ZŠA Donaldu Trampu pryviadzie da vielmi niehatyŭnych nastupstvaŭ dla ekanomiki. Pra heta sam Tramp skazaŭ u intervju Fox News.

«Ja nie viedaju, jak možna abjavić impičmient kamuści, chto zrabiŭ vydatnuju pracu. Kali mnie kali-niebudź abvieściać impičmient, ja dumaju, što rynki abrynucca, ja dumaju, što ŭsie stanuć vielmi biednymi», — skazaŭ jon, adkazvajučy na pytańnie žurnalistki telekanała Ešli Irchart, jakaja spytała ŭ Trampa, ci budzie jamu abvieščany impičmient, kali na pramiežkavych vybarach u kanhres bolšaść miescaŭ dastaniecca pradstaŭnikam Demakratyčnaj partyi ZŠA.

Razmovy ŭ amierykanskaj presie pra pahrozu impičmientu Trampa aktyvizavalisia 21 žniŭnia paśla taho, jak šmathadovy advakat kiraŭnika Biełaha doma Majkł Koen pajšoŭ na ździełku z prakurorami, pryznaŭ svaju vinu pa vaśmi punktach abvinavačvańnia i zajaviŭ pad prysiahaj u fiederalnym sudzie Manchetena (Ńju-Jork), što padčas vybarčaj kampanii 2016 hoda ździejśniŭ złačynstva pa ŭkazańni Trampa — zapłaciŭ za maŭčańnie dźvium žančynam, jakija zajavili pra seksualnyja suviazi z palitykam.

Клас
Панылы сорам
Ха-ха
Ого
Сумна
Абуральна