U porcie bielhijskaha horada Hient palicyja pierachapiła kala dźviuch ton kakainu, paviedamlaje telekanał VRT. Na kadrach apieratyŭnaj zdymki na brykietach z narkotykami možna pabačyć łahatyp partyi «Adzinaja Rasija», adnak žurnalisty na heta ŭvahi nie źviarnuli.
Adznačajecca, što heta samaja bujnaja partyja narkotykaŭ za ŭsiu historyju haradskoha porta. Jana była znojdziena palicejskimi jašče 21 žniŭnia. Kakain chavali ŭ troch kantejnierach na karabli, jaki prypłyŭ z Brazilii. Narkotyki byli rasfasavanyja pa 1900 brykietach.
Ahulny košt pastaŭki aceńvajecca ŭ 100 miljonaŭ jeŭra pry prodažy kančatkovamu spažyŭcu abo 56 miljonaŭ jeŭra pa rynkavaj canie, kažuć u fiederalnaj sudovaj palicyi Uschodniaj Fłandryi.
Pa fakcie vyjaŭleńnia rekordnaj partyi kakainu prakuratura Bielhii raspačała kryminalnuju spravu.
Fota: VRT.
