26 žniŭnia na 35 kiłamietry aŭtadarohi Minsk-Kałačy-Miadzieł supracoŭniki DPS źviarnuli ŭvahu na Folksvahien, jaki ruchaŭsia ź pieravyšeńniem chutkaści.
Kiroŭca praihnaravaŭ inśpiektara DAI i staŭ źjazdžać na vialikaj chutkaści. Niekalki kiłamietraŭ mašynu pieraśledavali.
Kiroŭca nie spraviŭsia z kiravańniem i najechaŭ na aharodžu. Paśla DTZ pasprabavaŭ schavacca razam sa svaim pasažyram. Praź niekalki chvilin ich zatrymali supracoŭniki DPS.
Vyśvietliłasia, što kiravaŭ aŭto žychar Maładziečna 1985 hoda naradžeńnia. Jon byŭ u stanie ałkaholnaha apjanieńnia — 1,36 pramile. Pravoŭ na kiravańnie transpartnymi srodkami nie mieŭ, dakumienty na aŭtamabil — adsutničali. Sioleta jaho pazbavili paśviedčańnia kiroŭcy za paŭtornaje kiravańnie transpartnym srodkam u stanie ałkaholnaha apjanieńnia pa 2023 hod, jaho aŭtamabil — kanfiskavali.
Kiroŭca rastłumačyŭ, što jon skraŭ Folksvahien u Maładziečnie, na im zajechaŭ da siabra, dzie jany vypili. Paśla čaho pajechali na aŭto ŭ Minsk, kab pradać skradzienuju mašynu.
Materyjały pieradadzienyja ŭ Śledčy kamitet.