Ministerstva zamiežnych spraŭ Biełarusi naściarožvaje fakt cialesnych paškodžańniaŭ u abvinavačanaha va Ukrainie Juryja Palityki. Pra heta havorycca ŭ adkazie načalnika ŭpraŭleńnia infarmacyi i ličbavaj dypłamatyi — pres-sakratara MZS Biełarusi Anatola Hłaza na pytańnie žurnalistaŭ, paviedamlaje BiełTA.
Advakaty biełarusa taksama źviarnuli ŭvahu suda na traŭmy abvinavačanaha.
«Nas vielmi naściarožvaje fakt atrymańnia abvinavačanym traŭm, adna ź jakich moža być kłasifikavana jak ciažkaje cialesnaje paškodžańnie. Nie varta zabyvać i pra raniej padadzienyja biełaruskim hramadzianinam skarhi ab užyvańni da jaho niezakonnych mietadaŭ daznańnia. Usio heta patrabuje ŭvažlivaha razhladu, tamu my nastojvajem na pieravodzie Juryja Palityki ŭ lačebnuju ŭstanovu zakrytaha typu i praviadzieńni dadatkovaha miedycynskaha abśledavańnia», — adznačyŭ Anatol Hłaz.
