Dyrektarku Hrodzienskaha kambinata školnaha charčavańnia Leninskaha rajona padazrajuć u atrymańni chabaraŭ i kradziažy, paviedamlaje Śledčy kamitet.
Dyrektara zatrymali 4 červienia hetaha hoda na pracoŭnym miescy pry atrymańni chabaru pamieram 500 rubloŭ. Hrošy žančynie prynieśli zahadčyki vytvorčaści školnaha charčavańnia niekalkich siarednich škoł Leninskaha rajona horada z prośbaj nie pravodzić pazapłanavyja pravierki.
Pravaachoŭniki zadakumientavali jašče niekalki anałahičnych faktaŭ atrymańnia chabaraŭ.
Akramia taho, dyrektar sistematyčna davała ŭkazańni hałoŭnamu buchhałtaru vydać materyjalnuju dapamohu padnačalenym rabotnikam. Pry hetym jany atrymlivali tolki pałovu ad sumy, a druhaja pałova prysvojvałasia kiraŭnikom.
Spačatku ŭ dačynieńni da žančyny raspačali 30 kryminalnych spraŭ, potym ich złučyli ŭ adnu. Usiaho dyrektar kambinata niezakonna atrymała bolš za vosiem tysiač rubloŭ. Ciapier jana zatrymanaja, a jaje majomaść aryštavali.
