Intaresy Biełarusi i Rasii nikoli nie supiarečać adna adnoj. Pra heta Alaksandr Łukašenka zajaviŭ siońnia na sustrečy z Alaksandram Surykavym z nahody zaviaršeńnia jaho dypłamatyčnaj misii ŭ Biełarusi, piša BiełTA.
«Ja vydatna razumieju, što takoje pasoł i što jon usio roŭna źjaŭlajecca čałaviekam adnosna niesvabodnym: jon pradstaŭlaje punkt hledžańnia kiraŭnictva krainy, pierš za ŭsio prezidenta. Tym nie mienš jak ruski čałaviek, jak čałaviek, jaki niamała pražyŭ u toj adzinaj krainie, Alaksandr Alaksandravič zaŭsiody bačyŭ Biełaruś nie jak čužuju. Mnie heta vielmi padabałasia, i ja heta vielmi caniu», — padkreśliŭ Alaksandr Łukašenka.
«Ja viedaju aficyjny punkt hledžańnia pasła Rasii ŭ Biełarusi i viedaju jaho ŭnutrany stan, kali jon kaža pra ruskich, biełarusaŭ. Dumaju, našy pazicyi tut supadajuć. My ludzi, jakija pajšli ad adnaho korania, my narody adnaho dreva — rasijanie i biełarusy. I nikudy ad hetaha nie dziecca, jak by chtości nie staraŭsia», - adznačyŭ Alaksandr Łukašenka.
Jon kanstatavaŭ, što ŭ Biełarusi i Rasii jość roznyja intaresy, ale jany nikoli nie supiarečyli adzin adnamu. «Ja niezdarma havaryŭ pra toje, što anioł-zachavalnik dla Biełarusi — Rasija, dakładna tak, jak dla Rasii Biełaruś, niahledziačy na roźnicu ŭ vieličyni - heta nie maje ŭ dadzienym vypadku nijakaha značeńnia», - zajaviŭ kiraŭnik dziaržavy.
Łukašenka padziakavaŭ rasijskamu dypłamatu za jaho pracu ŭ Biełarusi i namahańniami pa ŭmacavańni dvuchbakovych adnosin pamiž krainami. «Vaša praca tut zastaniecca ŭ historyi značnaj padziejaj. Daj boh, kab tyja pasły, jakija buduć tut pracavać, zmahli paŭtaryć mienavita toje, što zrabiŭ pasoł Surykaŭ — pasoł Rasijskaj Fiederacyi ŭ Biełarusi. Kali budzie tak, ja budu tolki zadavoleny», - reziumavaŭ Alaksandr Łukašenka.
