Karta sioletniaj «Tbilisoby».
Pakaštavać kuchniu ŭsich 12 rehijonaŭ Hruzii
Znajomstva z hastranamičnymi siurpryzami novaj «Tbilisoby» pačnicie z porcyi supu-charčo, dadajcie chinkali ź miasam i «Baržomi» (možna ŭziać u śpiecyjalnym vodnym bary), a na desiert zamoŭcie chatniuju čurčchiełu.
Sioleta na fudkorcie bolš za 20 kaviarniaŭ i restaranaŭ, hruzinskija stravy padajuć na vierandach adrazu 10 ustanoŭ Vierchniaha horada, dobraje vino — u vyjaznych barach Tamada i Teliani Valley. Usio ŭžo kaštavali? Tady vam u «Načny hastradvoryk» u zavułku pa vulicy Hiercena, dzie biełaruskija šef-kuchary buduć hatavać stravy ŭsich 12 rehijonaŭ Hruzii da 02.00.
Prakacicca na tarzancy praź Śvisłač
Park aktyŭnych zabaŭ «Baržomiłend» — heta kala tuzina atrakcyjonaŭ u Vierchnim horadzie, jakija buduć pracavać tolki na «Tbilisobie». Uźleźci na viaršyniu skaładroma «Kaźbiek», złavić chvalu na zaniatkach pa mini-siorfinhu i, viadoma, prakacicca na tralei praź Śvisłač. Chutkasny spusk budzie kaštavać 10 rubloŭ u luby čas z 12.00 da 20.00 i biaspłatna — u ščaślivyja hadziny ad «Baržomi», pra jakija abvieściać na fiestyvali.
Ubačyć batł brejkieraŭ i hruzinskich tancoraŭ
Za kałarytam Staroha Tbilisi prapanujem adpravicca ŭ kutok dyjaspary «Mamuli» na art-terasie. Interaktyŭnaja vystava pakaža, jakija kaściumy nasili i jakija pieśni śpiavali hruziny 100 hadoŭ tamu. Ubačyć miks staroj i novaj kultury možna na Dens-scenie na Zybickaj, dzie ŭ 15.30 na tancavalny batł brejkieraŭ paklikajuć hruzinskich tancoraŭ, vykanaŭcaŭ lezhinki i kartuli.
Kupić škarpetki z vyšytymi chinkali
Hruzija słavicca svaimi majstrami, a taksama śpiecyjami, prysmakami i vareńniem. Vybrać suvienir možna na fiestyvalnym markiecie, dzie možna znajści čurčchiełu, myła ručnoj pracy ci niešta bolš viasiołaje, naprykład, škarpetki z vyšytymi chinkali. I stylna, i pa-hruzinsku.
Skłaści maršrut pa Hruzii…
Natchniać na padarožža pa Hruzii buduć fudchantar Koko.by, błohiery Anton Matolka i Maksim Puškin, madel Kaciaryna Koba, zasnavalnik «Mazhabojni» Alaksandr Chanin i inšyja. Padčas «Turbazara» hości składuć asabisty top-10 miescaŭ, abaviazkovych dla naviedvańnia ŭ Hruzii, i dapamohuć skłaści maršrut — samalotam «Biełavija», aŭtobusnym turam abo na asabistym aŭto. Kančatkova pierakanajuć u pravilnaści pajezdki ŭ Hruziju vinnyja majstar-kłasy ad Tamada.
…I adpravicca ŭ padarožža naŭprost ź fiestyvalu
Atrymać biaspłatnuju pucioŭku ź biełaruskaj «Tbilisoby» ŭ Hruziju možna padčas śpiecyjalnaha kastynhu ŭ Karetnym dvoryku. Dla hetaha treba vyjści na scenu i za adnu chvilinu pierakanać žury, što bolš za astatnich marycie padniacca ŭ Kaŭkazskija hory ci tancavać z hruzinami na miascovaj «Tbilisobie». Paśpiašajciesia, rehistracyja na kastynh adkryjecca a 14.30 i tolki dla pieršych 100 čałaviek.
Zhulać u futboł z eks-futbalistam «Miłana»
Na dziciačaj zonie «Baržomiłenda» budzie šmat futboła, što nie dziŭna: hościem «Tbilisoby» stanie eks-futbalist «Miłana» Kacha Kaładze. U Minsk jon pryjedzie ŭ statusie mera Tbilisi, ale padčas špacyru pa Vierchnim horadzie naŭrad ci admović sabie ŭ zadavalnieńni ŭdaryć pa miačy. Hulajuć tut u mini-futboł, vuličnuju «pannu», bampierboł, a taksama vučać trukam u futbolnym frystajle.
Zrabić sełfi nad horadam
Na płoščy Svabody «Baržomi» ŭstaluje dziesiacimietrovuju vyšku dla sełfi, akurat nasuprać hałoŭnaj sceny. Pa čarzie haściej buduć padymać na vyšyniu, kab tyja rabili fotazdymki na fonie šmattysiačnaha natoŭpu ci Vierchniaha horada ŭ pramianiach sonca. Na dobry kadr budzie ŭsiaho adna chvilina.
Pahladzieć hruzinskija karotkamietražki
U manastyrskim dvoryku z 21.00 pakazvajuć hruzinskaje kino. U prahramie — try karotkamietražki pra kachańnie, tradycyi i muzyku. Paśla pakazu možna adpravicca ŭ susiedni Karetny panadvorak i pasłuchać vuličnych artystaŭ «Piešachodki». Abo zazirnuć u Muzyčny zavułak, dzie «ažyvuć» karciny hruzinskaha mastaka Niko Pirasmani i jaho samabytnaj kalehi biełaruski Aleny Kiš.
Pasłuchać Nino Katamadze
Hruzinskaje šmathałośsie prahučyć u vykanańni ansambla «Hruzinskija hałasy», a tancy horcaŭ pakažuć artysty adnaho z samych tytułavanych etna-kalektyvaŭ «Erysijoni». Z nadychodam ciemry na scenu vyjdzie lehienda suśvietnaha džaza Nino Katamadze. Mienavita pad jaje čaroŭnyja kampazicyi prapanujem zaviaršyć viečar u Vierchnim horadzie. Kancert Nino Katamadze & Insight pačniecca a 22.00.
Arhanizatarami fiestyvalu «Tbilisoba» vystupajuć Minharvykankam, Pasolstva Hruzii ŭ Respublicy Biełaruś, meryja Tbilisi, hruzinskaje hramadstva «Mamuli» i HM «Baržomi».
Dzie: Vierchni horad (pł. Svabody, vuł. Zybickaja i navakolli)
Kali: 1 vieraśnia (subota)
A jakoj hadzinie: z 12.00 da 02.00
Poŭnaja prahrama
HAŁOŬNAJA SCENA 12:00 — 24:00
13:30 — 15:00 Vystupy hruzinskich i biełaruskich artystaŭ
15:00 — 15:30 Aficyjnaje adkryćcio fiestyvalu
15:30 — 17:00 Salisty arkiestra «Tbilisi Bih-Bend» (Maja Baratašvili, Hieorhij Suchitašvili, Niestan Džybładze, Maryjam Ebralidze, Teimuraz Sadžaia), ansambli «Erysijoni» i «Hruzinskija hałasy» (Hruzija)
17:00 — 20:30 Pierapynak
20:30 — 22:00 Arkiestr «Tbilisi Bih-Bend», ansambli «Hruzinskija hałasy» i «Erysijoni» (Hruzija)
22:00 — 23:30 Nino Katamadze & Insight (Hruzija)
TURBAZAR. PADAROŽŽA Ŭ HRUZIJU 13:00 — 20:00
13:00 — 20:00 Virtualny špacyr pa Hruzii z ORBI GROUP
13:00 — 20:00 Markiet padarožžaŭ. Branirujem niezvyčajnyja tury i lacim z «Biełavija»
13:00 — 13:30 Hastrahid BORJOMI: u pošukach pravilnaha chačapury
Hości tok-šou: fudchantar Koko.by, brend-šef restarana «Tyflis» Keci Syradze, zasnavalnica brenda Krasa Hanna Kułakova, turapieratar «Rostynh»
13:30 — 14:00 Sakretnyja miescy Hruzii ad miascovych
Hości tok-šoŭ: pradstaŭnik supolnaści «Mamuli» Natalla Azašvili, zasnavalnik Gruzin.by Juka Kust, turapieratary Time Voyage i AnitaBy
14:00 — 14:30 Hruzija — radzima vina
Hości tok-šou: brend-ambasador TAMADA Kietevan Kienkišvili, śpiavak i suzasnavalnik turahienctva Saperavi.by Habryel Kupatadze, turapieratar «Alfa-Tur»
14:30 — 16:30 Vinnyja majstar-kłasy TAMADA
14:30 — 15:00 Ad hor da mora: aktyŭnyja zabavy ŭ Hruzii
Hości tok-šoŭ: zasnavalnik «Mazhabojni» Alaksandr Chanin, PR-dyrektar PRCI Darja Kirylenka, błohiery Maksim Puškin i Anton Matolka
15:00 — 17:00 Kastynh: razyhryvajecca tur u Hruziju. Udzielničajuć pieršyja 100 čałaviek
17:30 — 19:00 Vinnyja majstar-kłasy TAMADA
FUDKORT 12:00 — 24:00
20 vyjaznych kaviarniaŭ i restaranaŭ na fudkorcie
Tradycyjnyja i sučasnyja hruzinskija stravy va ŭstanovach Vierchniaha horada
Vodny bar BORJOMI
Vinnyja bary ad TAMADA i TELIANI VALLEY
NAČNY HASTRADVORYK BORJOMI 12:00 — 02:00
12:00 — 02:00 Ad chačapury z Adžaryi da vina z Kachiecii. Sprabujem kuchniu ŭsich 12 rehijonaŭ Hruzii
23:30 — 02:00 Lounge-set ad DJ Helga
HRUZINSKI MARKIET 12:00 — 24:00
Čurčchieła, škarpetki z vyšytymi chinkali i suvieniry ad hruzinskich majstroŭ
KUTOK TRADYCYJ. MAMULI 14:00 — 20:00
Stary Tbilisi: interaktyŭnaja fotazona
Škoła kalihrafii: pišam imia pa-hruzinsku
Fotavystava «Vidy Hruzii»
Hruzinski sport: załatyja momanty ŭ fotazdymkach
Muzyčnaja terasa: tradycyjnyja miełodyi i tancy
Bodzi-art: malujem hruzinskija ŭzory na tvary i rukach
ŽYVYJA KARCINY 21:00 — 24:00
Virtualny tur pa tvorčaści Niko Pirasmani i Aleny Kiš ad Biełaruskaha narodnaha banka
BARŽOMIŁEND. PARK AKTYŬNYCH ZABAŬ 14:00 — 20:00
Kanatnaja daroha «Čyatura». Maršrut praź Śvisłač ad Colt.by
Skaładrom «Viaršynia Kaźbieka». Strachuje Colt.by
Mini-siorfinh na ŭźbiarežžy Batumi. Łovim chvalu z prajektam Allride
Skački na batucie ŭ harach Kaŭkaza. Biarem vyšyniu z Colt.by
Pietank u dvarach Staroha Tbilisi. Hulajem pa praviłach Biełaruskaj fiederacyi pietanku i boče
SKIEJT-PARK. MINSK-TBILISI 14:00 — 20:00
Truki na skiejtbordach, rolikavych kańkach i BMX. Padarunki ad bordšopa «Armada» i BORJOMI lepšym rajderam
«Tancy» na łonhbordach ad Podwall.by
Treniroŭka na bałans-bordach B2boards
Škoła hrafici Montana Cans Belarus
DENS-SCENA BORJOMI 12:00 — 20:00
00:00 — 14:00 Majstar-kłasy pa brejku, chausu i chip-chopu ad Boogie Town Minsk
14:00 — 20:00 Tancavalnyja batły na pryzy brenda vuličnaha adzieńnia Outcast
15:30 — 16:00 Battł brejkieraŭ i hruzinskich tancoraŭ
DZICIAČAJA ZONA 14:00 — 20:00
Mini-futboł. Treniroŭki ad Akademii futboła «Dynama-Minsk»
Turnir pa vuličnym futbole «panna» ad Škoły futbolnaha frystajła Legacy
Bampierboł: bitvy ŭ šarach pravodzić «Śviet atrakcyjonaŭ»
Aktyŭnyja hulni: džanha, tvistar i inšyja
SEŁFI-VYŠKA BORJOMI 12:00 — 21:00
