Unačy 22 lipienia z kramy adzieńnia na praśpiekcie Niezaležnaści byli skradzienyja $10 tysiač, pryznačanyja dla nabyćcia novaha abstalavańnia. Złamyśnik trapiŭ u pamiaškańnie, uzłamaŭšy dźviarnyja zamki, paviedamlaje MUS.
Śledčyja vyśvietlili, što ŭ susiedniaj kramie bytavoj chimii zamki taksama byli złamanyja. U pamiaškańni byŭ biesparadak, źnikli pryłady dla haleńnia.
Abiedźvie handlovyja kropki nie byli abstalavany sihnalizacyjaj, videakamiery byli ŭstalavanyja tolki ŭ kramie bytavoj chimii.
Supracoŭnikami adździeła kryminalnaha vyšuku Pieršamajskaha RUUS h.Minska byŭ vyznačany padazravany ŭ kradziažy. Im akazaŭsia 45-hadovy minčanin. Raniej mužčyna ŭžo pryciahvaŭsia da kryminalnaj adkaznaści za kradziažy z kramaŭ.
Ciapier jon adbyvaje pakarańnie ŭ papraŭčaj ustanovie adkrytaha typu, a na momant ździajśnieńnia złačynstva znachodziŭsia ŭ karotkaterminovym trochdzionnym adpačynku.
Hrošy byli kanfiskavanyja ŭ padazravanaha amal u poŭnym abjomie — jon schavaŭ ich doma, kab paśla kupić mašynu.
Minčuku pahražaje ad dvuch da siami hadoŭ z kanfiskacyjaj majomaści abo biez kanfiskacyi.