Pry hetym luby z aŭtamabilistaŭ, chto pryjedzie ŭdzień na AZS №35 «Novy Dvor», zmoža stać udzielnikam hastramarafona i źjeści chot-doh na chutkaść. 10 najbolš sprytnych prychilnikaŭ takoha stryt-fuda stanuć udzielnikami pieršych «Jeŭrapiejskich hałodnych hulniaŭ» i buduć zmahacca za hałoŭny pryz — załatuju kartu na miesiac biaspłatnych abiedaŭ va ŭsioj sietcy AZS «A-100».
Pa statystycy praktyčna kožnyja sutki ŭ Biełarusi rehistrujecca jak minimum adzin pažar u aŭto. Pry minimalnym uzharańni ŭ sałonie mašyny ahoń achopić uvieś transpart usiaho za 10 chvilin. Kab paźbiehnuć katastrofy, kožny kiroŭca pavinien być hatovy patušyć pažar ułasnaručna. Ale nie va ŭsich biełarusaŭ u bahažniku lažyć vohnietušyciel ź dziejnym terminam prydatnaści — tolki ŭ 8 z 10 vypadkaŭ jon spraŭny. Heta važnaja prablema, jakoj nie nadajecca naležnaj uvahi.
Sietka AZS «A-100» vyrašyła zmatyvavać minčan vykonvać usie patrabavańni techniki biaśpieki na darohach i zaprasiła ich na niezvyčajny łanč. Jon pačniecca a 12-j hadzinie pry ŭjeździe na zapraŭku «A-100» «Novy Dvor». Usich kiroŭcaŭ budzie sustrakać inśpiektar DAI, MNS i inžynier pa technicy biaśpieki ad «A-100», jakija pravierać najaŭnaść spraŭnaha vohnietušyciela ŭ bahažniku. Pieršym 10 minčukam z «praterminavanym» vohnietušycielem abiacajuć padaryć novy, a astatnich buduć adpuskać biez papiaredžańnia.
Paśla takoj pravierki budzie karysna «patušyć» i svoj hoład. Kab zamović sabie biaspłatny set z chot-doha i butelki vady navat nie spatrebicca vychodzić z mašyny. Da kožnaha kiroŭcy padydzie aficyjant.
U mieniu AZS «A-100» jość kłasičny frenč-doh i dacki chot-doh, a naviedvalnikam prapanujuć na vybar adnu z 4 sasisak: ź jałavičyny, śvininy, kurycy abo kački. Sapraŭdnym hurmanam mohuć prapanavać dadać u chot-doh taksama firmovuju kaŭbasku, recept jakoj trymajuć u sakrecie.
Padčas «abiedu z karyściu» minčanie zmohuć upieršyniu pakaštavać chot-doh ad «A-100» ź piakučym sousam. Zamiest jaho možna budzie vybrać kietčup, harčycu, majanez abo aŭtarski sous ad kiraŭnika Hildyi šef-kucharaŭ Biełarusi — Alaksandra Čykileŭskaha. Takaja raznastajnaść asnoŭ, sasisak i sousaŭ dazvalaje sabrać bolš za 60 roznych spałučeńniaŭ.
Sioleta amierykaniec Džoŭi Česnat ź mianuškaj «Skivicy» pastaviŭ rekord u pajadańni kłasičnych chot-dohaŭ. Jon źjeŭ 74 štuki za 10 chvilin. Prosta padčas abiedu kožnamu kiroŭcu aficyjant taksama prapanuje paŭdzielničać u łanč-čelendžy: źjeści chot-doh na chutkaść. Narmatyŭ, jaki ŭstalavali arhanizatary dla adnoj porcyi — 180 siekund. Dziesiać kiroŭcaŭ, jakija ŭkładucca ŭ hety čas ci paśpiejuć źjeści chot-doh jašče chutčej, zaprosiać stać udzielnikami pieršych u našaj krainie «Jeŭrapiejskich hałodnych hulniaŭ» — maštabnym hastrašoŭ pa pajadańni chot-dohaŭ, jakoje adbudziecca 9 vieraśnia ŭ Dzień tankista ŭ Parku Pieramohi. Mienavita ŭ takim novym farmacie projdzie sioleta tradycyjnaja «Bitva kaŭbasak». Pieramožca zmoža ceły miesiac biaspłatna abiedać va ŭsioj sietcy zapravak «A-100».
AZS №35 «Novy Dvor» znachodzicca na źniešnim kalcy MKAD nasuprać mikrarajona Čyžoŭka, a pryjechać na abied z karyściu možna z 12.00 da 14.00.
