U redakcyju Tut.by źviarnulisia čytačy i paviedamili, što častkova ŭ Kastryčnickim rajonie ŭ kranach niama naohuł nijakaj vady.
- U častcy Kastryčnickaha rajona niama naohuł nijakaj vady. Da 115 nie datelefanavacca ŭžo hadzinu — zaniata. Nočču ŭ Kurasoŭščynie ŭžo adklučali na niekalki hadzin, tady ŭ 115 paviedamili pra niejkuju avaryju, jakuju płanavali likvidavać da apoŭnačy. Vadu dali ŭžo kala adzinaccataj nočy, a siońnia «loh» užo rajon, — paviedamiła čytačka.
Pavodle jaje słoŭ, vady niama ŭ damach na zavułku Karžanieŭskaha i vulicy Mahiloŭskaj z 11 hadzin dnia.
Na sajcie Minskvodakanała paviedamlajecca, što ŭ suviazi z paškodžańniem vadavoda dyjamietram 900 mm u vioscy Paškovičy mahčyma źnižeńnie cisku i paharšeńnie jakaści vodazabieśpiačeńnia ŭ Kastryčnickim i Zavodskim rajonach Minska.
U ciapierašni čas viaducca raboty pa łakalizacyi paškodžańnia.
