Kančatkovaje rašeńnie ab ustupleńni Biełarusi ŭ Suśvietnuju handlovuju arhanizacyju budzie prymacca paśla zaviaršeńnia pierahavornaha pracesu. Ab hetym u intervju telekanału «Biełaruś 1» zajaviŭ ministr zamiežnych spraŭ Biełarusi Uładzimir Makiej, piša BiełTA.
«Za apošnija paŭtara hoda my dasiahnuli surjoznaha prahresu (u pierahavorach ab ustupleńni ŭ SHA)», — raskazaŭ ministr.
Jon udakładniŭ, što, naprykład, zastałosia pravieści pierahavory z ZŠA, Jeŭrasajuzam. «Ale kiraŭnikom dziaržavy vyrazna pastaŭlena čarhovy raz zadača, vykazana pazicyja adnosna taho, što ŭstupleńnie ŭ SHA dla nas nie samameta», — zaŭvažyŭ Uładzimir Makiej.
«My budziem praciahvać našu rabotu pa ŭstupleńni ŭ SHA, ale kančatkovaje rašeńnie budzie prymacca na bolš poźnim etapie, kali my sapraŭdy budziem bačyć, što heta dla nas budzie vyhadna», — udakładniŭ jon.
Havoračy pra suśvietnuju kanjunkturu, Uładzimir Makiej u jakaści stanoŭčaha faktaru adznačyŭ ekanamičny ŭzdym praktyčna va ŭsich rehijonach i krainach. «Ale ŭsio ž taki bolš niehatyŭnych momantaŭ u hetym płanie. Pieršaje — heta palityčnaja kanfrantacyja. Vy bačycie, što adbyvajecca pamiž Rasijaj i Zachadam, jak iskryć u ich adnosinach. Heta bolš palityka-ekanamičny aśpiekt», — zajaviŭ jon.
«Što datyčycca niepasredna handlova-ekanamičnych adnosin, to my bačym, što adbyvajecca peŭny adychod ad tych ustanoŭlenych ahulnapryniatych praviłaŭ handlu, jakija isnavali raniej, — praciahnuŭ ministr. — Ja maju na ŭvazie dziejnaść SHA. I voś heta kanfrantacyja, adychod ad praviłaŭ handlu, uzmacnieńnie kankurencyi ŭ roznych rehijonach, na roznych rynkach, viadoma ž, akazvaje niehatyŭny ŭpłyŭ i na naš ekspartny, źniešnieekanamičny składnik».
«Siońnia davodzicca dziejničać u vielmi surjoznych niehatyŭnych umovach. My vymušany heta ŭličvać u svajoj dziejnaści. Prezident 4 vieraśnia na heta taksama źviarnuŭ uvahu i skazaŭ, što, niahledziačy na roznyja niehatyŭnyja momanty, my pavinny vykanać tyja zadańni, jakija byli pastaŭleny. My pavinny spadziavacca tolki na siabie», — dadaŭ kiraŭnik biełaruskaha źniešniepalityčnaha viedamstva.
