Pryznačeńnie Suśvietnym patryjarcham Varfałamiejem svaich pradstaŭnikoŭ va Ukrainie ŭ Ruskaj pravasłaŭnaj carkvie acharaktaryzavali jak «biesprecedentna hrubaje ŭvarvańnie na kananičnuju terytoryju Maskoŭskaha patryjarchata».
Pra heta havorycca ŭ paviedamleńni, padpisanym staršynioj Sinadalnaha adździeła pa dačynieńniach carkvy z hramadstvam i ŚMI Uładzimiram Lahojdam, jakoje apublikavana na aficyjnym sajcie RPC.
«Pryznačeńnie Kanstancinopalskim patryjarcham svaich pradstaŭnikoŭ-jepiskapaŭ va Ukrainie — biez ŭzhadnieńnia z patryjarcham maskoŭskim i ŭsioj Rusi i błažeńniejšym mitrapalitam kijeŭskim i ŭsioj Ukrainy — jość nie što inšaje, jak biesprecedentna hrubaje ŭvarvańnie na kananičnuju terytoryju maskoŭskaha patryjarchatu. Takija dziejańni nie mohuć zastacca biez adkazu », - zajaviŭ Lahojda.
Raniej na sajcie pradstaŭnictva Kanstancinopalskaha patryjarchata ŭ Radzie cerkvaŭ źjaviłasia paviedamleńnie ab tym, što ŭ ramkach padrychtoŭki da pradastaŭleńnia aŭtakiefalii Ukrainskaj pravasłaŭnaj carkvie Suśvietny patryjarch Varfałamiej pryznačyŭ u Kijeŭ dvuch svaich ekzarchaŭ. Imi stali archijepiskap Pamfilijski Daniił z ZŠA i jepiskap Edmantanski Iłaryjon z Kanady.
Ukrainskaja pravasłaŭnaja carkva Kijeŭskaha patryjarchata vitała hetaje rašeńnie.
