Prezident Uźbiekistana Šaŭkat Mirzijojeŭ nazvaŭ pacukami raniejšych «haspadaroŭ» Fierhanskaj vobłaści, jakija «razrabavali» rehijon. Jak paviedamlaje ahienctva «Fierhana», jakoje apublikavała aŭdyjozapis vystupu Mirzijojeva, havorka idzie pra svajakoŭ byłoha prezidenta respubliki Isłama Karymava.
Mirzijojeŭ zajaviŭ, što naftapierapracoŭčy zavod u Fierhanie praktyčna nie pracuje, pakolki raniej im zavałodali «pacuki», tak zvanyja fierhanskija niaviestki, jakija «razrabavali» vobłaść.
Jak śćviardžaje «Fierhana», havorka idzie pra svajakoŭ Karymava. «Fierhanskija niaviestki» — udava Karymava Taćciana i jaje siastra Tamara Sabirava, jakija naradzilisia ŭ hetaj vobłaści. Pad ich zastupnictvam syn Sabiravaj i plamieńnik Karymava Akbarali Abdułajeŭ atrymali kantrol nad NPZ, cemientavym zavodam, sietkaj haścinic, handlovych kompleksaŭ i inšymi pradpryjemstvami. Niekalki hadoŭ tamu Abdułajeva sudzili, vypuścili daterminova, i jon pakinuŭ Uźbiekistan.
