Manahrafija z pravakacyjnym prahnozam dla Biełarusi nie adlustroŭvaje punktu hledžańnia MHIMO. Pra heta karespandentu BiełTA zajaviŭ dacent kafiedry palityčnaj teoryi MHIMO Kirył Koktyš.
Raniej MHIMO vydaŭ manahrafiju «Śviet ŭ XXI st.: prahnoz raźvićcia mižnarodnaha stanovišča pa krainach i rehijonach». U joj byŭ raździeł, pryśviečany raźvićciu Biełarusi da 2050 hoda. U im aŭtary razvažajuć pra pierśpiektyvy źmieny ŭłady ŭ krainie i mahčymaści «krymskaha scenaryja» dla jaje.
«Hety raździeł absalutna nie adlustroŭvaje punkt hledžańnia MHIMO. Pryniata rašeńnie bolš nie pracavać z aŭtaram. Tekst źniaty z sajta, nakład spynieny z-za hetych dvuch staronak prahnozu. Bolš za toje, adpraŭlenyja listy biełaruskamu kiraŭnictvu, u jakich tłumačycca, što hetaja publikacyja — niekantralavanaja vypadkovaść», — padkreśliŭ Kirył Koktyš.
Čytajcie taksama: Analityka ad MHIMO: Nieabchodnyja krymski scenar dla Biełarusi i najchutčejšaja zamiena Łukašenki
