RPC spyniaje ŭdzieł u strukturach pad kirujučaj rolaj Kanstancinopalskaha patryjarchata i pierastaje paminać Suśvietnaha patryjarcha Varfałamieja padčas nabaženstvaŭ. Pra heta zajaviŭ staršynia adździeła źniešnich carkoŭnych suviaziaŭ RPC mitrapalit Vałakałamski Iłaryjon, paviedamlaje RIA Novosti.
«Jeŭcharystyčnyja znosiny pamiž cerkvami nie pierapyniajucca. Heta rašeńnie pakul što nie pazbaŭlaje mahčymaści klirykaŭ Kanstancinopalskaha patryjarchata i Ruskaj pravasłaŭnaj carkvy ździajśniać sumiesnyja nabaženstvy», — rastłumačyŭ pres-sakratar kiraŭnika RPC Kiryła Alaksandr Vołkaŭ.
Pres-sakratar dadaŭ, što spynieńnie paminańnia aznačaje, što Kirył pierastanie pramaŭlać imia patryjarcha Kanstancinopalskaha Varfałamieja padčas liturhii, heta značyć pierastanie za jaho malicca padčas hałoŭnaha carkoŭnaha nabaženstva.
