Vialikabrytanija moža pierahledzieć svajo rašeńnie ab vychadzie ź Jeŭrasajuza na praciahu piaci hadoŭ, paviedamiŭ eks-premjer-ministr Złučanaha Karaleŭstva Toni Błer na 15-j Štohadovaj sustrečy Jałcinskaj Jeŭrapiejskaj Stratehii (YES).
«Nie chaču dyskutavać pra vialikija vykliki, jakija stajać pierad Jeŭropaj. Jość vyklik mihracyi, ź jakim nie vielmi ŭdajecca spravicca. Tak, jość strukturnyja i palityčnyja vykliki Jeŭrazony. Ale ja zrablu adzin prahnoz, a praź piać hadoŭ pahladzim, ci pamyliŭsia ja: Jeŭropa vyžyvie, Jeŭropa budzie kvitnieć i Vialikabrytanija admienić svajo rašeńnie pa Brexit», — prahnazuje Błer.
Błer nahadaŭ, što paśla Druhoj suśvietnaj vajny Jeŭropa abjadnoŭvałasia dziela padtrymańnia miru, adnak znachodžańnie ŭ ES daje krainam i inšyja značnyja pieravahi.
Palityk pahadziŭsia, što ES maje patrebu ŭ refarmavańni, adnak, na jaho dumku, heta nie dastatkovaja pryčyna dla vychadu z abjadnańnia.
