Piensijanierka pakinuła torbu litaralna na niekalki chvilin kala adździaleńnia banka, tamu što iści ź joj było ciažka.
14 vieraśnia 60-hadovaja babrujčanka kupiła ŭ kramie pradukty na sumu 90,32 rubla. Vyrašyła pa darozie zajści ŭ adździaleńnie banka. Vialikuju sumku na kołcach z praduktami pakinuła la ŭvachodu, tamu što iści ź joj było niazručna. Žančyna adsutničała niekalki chvilin, a kali viarnułasia, torby ŭžo nie było. Piensijanierka patelefanavała ŭ milicyju.
Znajści złodzieja atrymałasia chutka dziakujučy kamieram videanazirańnia. 39-hadovy babrujčanin zachodziŭ u adździaleńnie banka, vyjšaŭ, ubačyŭ torbu biez nahladu i skraŭ jaje.
Zatrymali padazravanaha ŭ toj ža dzień, vykradzienaje kanfiskavali. U dačynieńni da mužčyny raspačali kryminalnuju spravu pa častcy 1 artykuła 205 (Tajemnaje vykradańnie majomaści — kradziež). Jamu pahražaje da 3 hadoŭ turmy.
