Kampanija Xiaomi vałodaje Šanchajskim startapam Runmi Technology, jaki raspracoŭvaje aksiesuary i adzieńnie dla kitajskaha rynku. U vieraśni 2018 hoda firma pradstaviła «razumnuju» lohkuju kurtku z padtrymkaj funkcyi kantrolu tempieratury i raźmierkavańnia ciapła. Pa słovach raspracoŭščykaŭ, heta dazvalaje karystacca ich adzieńniem ŭ luby siezon.
Sistema Heatex, jakaja pracuje ad akumulatara na 10000 mA·h, aktyvujecca paśla naciskańnia knopki na rukavie. Maksimalny nahreŭ kurtki — kala 50 hradusaŭ, takuju tempieraturu jana moža trymać da vaśmi hadzin. Pavierchnia navinki pakrytaja vodanieprymalnym płastom, taksama firma ŭbudavała sistemu zaściarohi ad karotkaha zamykańnia.
Nahreŭ idzie ŭ vobłaści šyi i śpiny, ale raŭnamierna raźmiarkoŭvajecca pa ŭsim ciele. Raspracoŭščyki adznačyli, što kurtka ŭžo prajšła ŭsie nieabchodnyja testy. Technałohija sama adklučaje funkcyju nahrevu kali heta nieabchodna.