2 kastryčnika polskaja mytnia paviedamiła, što mižnarodny ciahnik Hrodna — Biełastok — Varšava — Krakaŭ byŭ vymušany adpravicca ź miažy ŭ pamienšanym sastavie. Ad ciahnika, jaki pryjšoŭ ź Biełarusi, palakam pryjšłosia adčapić ceły pasažyrski vahon, dzie znajšli 52 200 cyharet.
Pryčyna takich radykalnych mier — u sposabie ŭtojvańnia kantrabandy. Złačyncy nie prosta schavali cyharety pad samaj stollu adnaho z vahonaŭ. Abarona hetaj stoli, a zaadno i kantrabandy, macavałasia na ćvikach i šrubach sa skručanymi i śpilenymi hałoŭkami, što istotna ŭskładniła demantaž stoli, piša euroby.info.
Vahon, dzie znajšli kantrabandu, pakinuli na miažy, kab razabrać jaho i kanfiskavać cyharety. A pasažyram daviałosia ŭščylniacca pa inšych vahonach.
