Mitrapalit Minski i Zasłaŭski Pavieł padtrymlivaje maratoryj na śmiarotnaje pakarańnie, ale ličyć, što z Kryminalnaha kodeksa heta pakarańnie prybirać pakul nie varta, paviedamlaje Tut.by.
— Śmiarotnaje pakarańnie, moža być, jak formu nie varta siońnia prybirać z Kryminalnaha kodeksa. Hety artykuł kaža pra toje, što za luboje złačynstva pavinna być i abaviazkova budzie pakarańnie, adpłata. Kab luby čałaviek, jaki maje namier ździejśnić niejkaje złačynstva, razumieŭ, što adpłata abaviazkova budzie. Kali nie tut, na Ziamli, to na Strašnym Sudzie abaviazkova budzie. Inšaja sprava, što toj maratoryj na śmiarotnaje pakarańnie, jaki siońnia jość u mnohich krainach, časta apraŭdvaje siabie. Było šmat vypadkaŭ, kali ludzi siadzieli vialikija terminy, a potym praz šmat-šmat hadoŭ vyśviatlałasia, što heta było niezasłužana, što čałaviek nie ździajśniaŭ hetaha złačynstva. Na moj pohlad, u čałavieka i pavinna być pieraściaroha, i ŭ toj ža čas treba pamiatać pra toje, što lepš zhrašyć u miłaści, čym u žorstkaści.
Staršynia Sinadalnaha infarmacyjnaha adździeła BPC protaijerej Siarhiej Lepin taksama źviarnuŭ uvahu, što staŭleńnie Biełaruskaj pravasłaŭnaj carkvy da pytańnia śmiarotnaha pakarańnia zasnavana na sacyjalnaj kancepcyi Ruskaj pravasłaŭnaj carkvy.
— Dzie ŭ pryvatnaści havorycca, što my ličym admienu śmiarotnaha pakarańnia, zamienu jaho inšymi pakarańniami bolš žadanymi, čym najaŭnaść śmiarotnaha pakarańnia. Heta vyklučaje mahčymaść sudovych pamyłak, praduhledžvaje mahčymaść pastyrskaj pracy z hrešnikami, jakija zrabili ciažkija złačynstvy i ahułam heta adpaviadaje bolš katehoryi humannaści.
Jon padkreśliŭ, što Biełaruskaja pravasłaŭnaja carkva nie vitaje palityzacyi pytańnia śmiarotnaha pakarańnia.
