Alaksandr Łukašenka siońnia na naradzie pastaviŭ pierad ahraryjami žorstki termin — da 7 listapada zaviaršyć usie vosieńskija sielhaspracy, raspavioŭ žurnalistam vice-premjer Michaił Rusy, piša BiełTA.
president.gov.by
Situacyi ŭ sielskaj haspadarcy kiraŭnik dziaržavy na naradzie nadaŭ vielmi vialikuju ŭvahu, vysłuchaŭšy dakłady ab chodzie rabot na miescach i ŭ cełym pa krainie. U centry ŭvahi byli pytańni zaviaršeńnia vosieńskich sielhasrabot i pačatak padrychtoŭki da pasiaŭnoj nastupnaha hoda. «Da 7 listapada — buraki, kukuruza na ziernie i kukuruza na siłas», — acharaktaryzavaŭ front rabot vice-premjer.
Jak było adznačana na naradzie, u cełym terminy vytrymlivajucca, i jość vysokaja stupień upeŭnienaści, što pracy zavieršać u termin. Adnak Alaksandr Łukašenka akcentavaŭ uvahu na jakaści hetych rabot, niedapuščalnaści strat i zadačy pa zabieśpiačeńni zachavanaści ŭradžaju.
«Siońnia hetaja zadača była vielmi žorstka pastaŭlena i mnie, i ministru, i kožnamu hubiernataru», — padkreśliŭ Michaił Rusy.
